Guardian Group Fatum Youth Ranking Tournament a finaliza exitosamente

Posted on 9/23/2014, 6:19 PM AST | Updated on 9/23/2014, 6:22 PM AST

ORANJESTAD - Pa dos siman consecutivo Aruba Racquet Club (ARC) a host e prome Guardian Group Fatum Youth Ranking Tournament esaki sigur den colaboracion cu Aruba Lawn Tennis Bond (ALTB). E tournament a tuma lugar den 2 weekend. E prome weekend tabata.

E prome parti a tuma lugar durante e di 12 pa 14 di september y a consisti di e categoria di bou 14 aña pa mucha homber, bou 14 aña pa mucha muhe y bou 10 aña gemix.

Durante e di dos weekend e competencianan tabata hopi intenso, unda cu e tenistanan a duna tur cos di nan banda y demostra cu for di un edad jong ya caba na Aruba nos por goza di tenistanan di calidad.

E competencia a tuma lugar durante 3 dia, esta diabierna 19, diasabra 20 y diadomingo 21 di september. E categorianan cu a competi tabata: bou 12 aña pa mucha homber y mucha muher, como tambe bou 18 aña pa mucha homber y mucha muher. Un cantidad grandi di tenista a participa. Tur tenista ta un ganador riba nan mes door di a presenta y participa, demostrando cu nos hubentud ta dedica nan mes na cosnan positivo. Asina mes e organisacion mester a premia e participantenan cu a resalta mas. Akinan e ganadornan durante e ultimo fin di siman.

E ganadornan den e diferente categorianan ta lo siguiente:

Bou 12 aña Boys:

Axel Williams Sebastian Ruiz Carlos noguera

Premio di consuelo: Kyle Arends

Bou 12 aña Girls:

Kayla Solagnier Aethielle Kelkboom Sofie van Reek

Premio di consuelo: Glaysmar Rivero

 

Bou 18 aña Boys:

Kevin Yarzagaray Christian Obadia Jeannick Pinard

Premio di consuelo: Patrick Leyenaar

Bou 18 aña Girls:

Evelyanne Kelly Amarylis Lee Gina van der Veen

Premio di consuelo: Melissa Salomo

 

Tur ganador a ricibi un trofeo for di e representante di Guardian Group Fatum esta señora Madel Jacopucci y president di ALTB señor Ronald Tchong

 

Guardian Group Fatum y ALTB ta gradici e mayornan cu a laga nan yunan participa, ARC pa host e torney y especialmente e hobennan cu a participa. Nan ta yuda engrandece e deporte di tenis na nos isla, demostrando calidad y integridad den cosnan positivo pa e hubentud di Aruba.

Guardian Group Fatum y ALTB ta invita tur persona cu kier practica e deporte aki pa tuma contacto cu ARC of cu ALTB door di manda un email na monique.intveld@gmail.com tambe na number di cel 5660045.

 

Guardian Group Fatum kier felicita un biaha mas e tenistanan cu a participa y ganadornan pa nan tremendo presentacion.