Diasabra cu dos caso di atraco arma den 4 ora

ORANJESTAD – Aruba a conoce dos caso di atraco diasabra den un periodo di 4 ora di tempo. E ultimo tabata pa cuatro pa 9, ora cu central di polis a haya un yamada cu un atraco a tuma luga na Lucky Shag One and All Lottery na Pastoor Hendrikstraat San Nicolaas. Na yegada di patruya di polis a compronde cue señora ta conta cu un rato prome un homber a drenta na e luga di loteria cu cara full tapa y cu un machete den man y a atrak’e . E homber a bay cu alf 68,- y un cellular. E homber a bay na pia direccion zuid. Atraco team a yega na e sitio hunto cu slachtofferhulp. Ken cu por a wak algo jama tiplijn di polis 11141.

MAS ATRACO

Prome cu esey, casi 4 ora prome, a registra e prome atraco riba e mesun diasabra. Tabata atardi pa 4or yamada a drenta na central di polis cu un atraco a caba tuma lugar na Plug & Play Electronics. Patruya a yega na e sitio y eynan a ser informa cu 3 hende homber habla spaño a drenta e lugar y un di nan a saca un arma di candela . Nan no ta tin cara tapa . Nan lo a bay cu mas o menos AFL 4000,- y entre 20 pa 30 cellular nobo. Nan lo a huy riba un scooter direccion pa zuid. Un rato despues patruya di polis a bin topa cu e scooter na un cas bandona na ponton. E scooter a wordo tuma den beslag pa mas investigacion. Atraco Team a presenta na e sitio, tambe BFTO y slachtofferhulp. Ken cu por a wak algo yama e tiplijn di polis cu ta 11141.