Hilton Aruba su miembronan di team a celebra e temporada di fin di aña

PALM BEACH - Miembronan di team di Hilton Aruba Caribbean Resort & Casino tabata invita pa un recepcion elegante estilo cocktail pa e celebracion di fin di aña den e Grand Caribbean Ballroom. E aña aki, den un esfera mas relaha, tur miembro a goza aun mas bailando riba ritmo di musica di e banda number 1 di Aruba, esta Buleria, desde e comienzo te fin di e fiesta, y disfrutando di bishita frecuente na e buffet yena cu specialidadnan local di fiesta cu e team culinario a prepara. Mientras e bar tabata sirbi cocktails delicioso, miembronan di e team tabata purba de todo, for di appetizer tradicional te cu pasaboca nan tentador, como tambe pose dilanti e photo booth pa asina saca algun potret conmemorativo. E ganadornan di un concurso di fotografia interno, publica riba medionan social, a wordo anuncia durante e anochi aki y e departamento di Recurso Humano a sali na prome lugar, sigui pa Pool & Beach y por ultimo e Departamento di Accounting. Miembronan di e comision ehecutivo a gradici tur miembro di e team pa nan tantisimo contribucion durante 2017 y deseando nan un anochi inolvidable, un tremendo temporada di fiesta y un prospero aña nobo.