Marcha contra violencia policial na Hulanda, relaciona cu Mitch Henriquez a bay sin problema

DEN HAAG – Mas of menos 100 persona a protesta diasabra atardi na Den Haag contra violencia policial, como consecuencia di e morto di e Arubiano Mitch Henriquez na 2015. E demostracion, segun polis, a bay sin incidente of detencion. Prome cu e manifestacion, e ruman muher a pidi explicitamente pa un marcha pasivo.

MARCH

E protesta tabata di Koekap di Den Haag CS pa e palacio di paz y bek. Na caminda a pone krans na e warda di polis, na nomber di e victimanan di violencia policial. Entre esnan presente tabatin e mama y primo di Henriquez. E ruman muher ta na Aruba y a reuni siman pasa ainda cu gabinete Wever Croes riba e tema.

ARGOS

Den e programa di investigacion diasabra titula ARGOs, un conclusion di 3 investigador di Independent Forensic Services (IFS) a declara cu Henriquez a muri a consecuencia di choca y stikmento, contradiciendo e lectura recien di expertonan durante e caso penal cu a bisa cu Henriquez a muri a consecuencia di un sindroma agudo di stress. Dia 21 di december corte ta dicta sentencia contra e dos agentenan policial sospecha di ta envolvi den e caso.