Wever-Croes : Innovacion ta hopi mas amplio cu ‘green’

ORANJESTAD – ‘Innovacion ta hopi mas amplio cu green”. Asina prome minister Evelyn Wever a reacciona riba e pregunta di NoticiaCla, na occasion di a apunta Varelie Croes como e Chief Innovation Officer “ pa Aruba. E pregunta a surgi riba e hecho cu semper e gobierno actual a critica e gobierno anterior cu ta gasta placa cu nan intento pa ‘go green’, envez di enfoca riba otro cos. Segun Wever, “ Green’ ta mas bien sustainability. Mas bien medio ambiente. E ta un forma di biba sostenible of di Pensa sostenible” Wever a bisa. ”Innovacion ta e proceso cu bo ta uza pa yega na green. Si bo no innova of bo no tin e mindset inovativo nunca bo ta yega ma sostenibilidad” e prome mandatario a sigui bisa.

MEDIO AMBIENTE

Segun Wever, innovacion no ta limita na solamente medio ambiente. E ta den tur cos. Aki e prome mandatario a duna un ehempel.” Por ehempel: innovacion den enseñansa kiermen hasi uso di material pero vooral tecnicanan inovativo pa e studiantenan siña nan les y skills den bida. Innovacion den agricultura kiermen uza tecnicanan mas moderno y senciyo pa logra bo metanan. Asina bo ta haya innovacion riba tur tereno”. Ademas Wever a sigura e portal aki cu tin uno hopi importante riba e tereno aki pe. “ Atravez di innovacion bo por combati corupcion cu transparencia y automatizacion.