Mike a topa Mark na Nacionan Uni diamars

NEW YORK - Prome minister di Aruba Mike Eman a topa su homologo Mark Rutte diamars na New York na Nacionnan Uni. E meta di e bishita tabata pa ta presente na e cumbre di nos clima. Durante e session general, e dos premiernan a sinta hunto y despues a tuma tempo pa saca un potret hunto. E potret normalmente no ta nada stranjo, y mas bien un custumber. Sinembargo mei mei di e situacion actual entre Aruba y Hulanda, unda cu tin un impasse riba e tereno financiero, esaki por zona stranjo. Sinembargo, e impasse no ta impedi e mandatarionan di topa riba otro topico y combersa cu otro riba nivel. Esey a sosode caba ora cu premier Eman a topa minister Ronald Plasterk durante su 'transito' pa Samoa, comienso di e luna aki. No ta conoci si nan a toca e tema di CFT y kico e resultado tabata.