Hulanda: 4 aña prison pidi pa sospechoso den caso' kiprolade' pa Aruba

ZWOLLE – Ministerio publico a pidi 4 aña prison pa e comerciante Hulandes di carni Hennie van Rey. E ta sospecha di culpabel di a laba miyones di euro y transporta sumanan cuantioso di placa den galiña congela pa Aruba. Aña pasa tres sospechoso den e caso, a keda sentencia na Aruba mes. Van Rey ta ruman di politico Hulandes notorio Jos van Rey. Corte a reserva 4 dia pa trata e caso grandi aki, unda cu hunto cu otro van Rey a produci un red internacional pa transporta e placa di Hulanda pa Aruba.

BARON DI DROGA

E placa cu tabata yega Aruba, tabata sigui pa Venezuela unda cu e doño di e placa tabata biba, segun e corant Hulandes Limburger a raporta. E doñonan ta caponan pisa Venezolano di droga. E ex amiga di van Rey a haya 5 luna di castigo pidi pa ministerio publico. Su trabou tabata pa ricibi e placa pa asina di eynan por a procesa e placa cash den e galiñanan congela. Un otro sospechoso a scucha nan pidi 2 aña di castigo di prison pe, Aquiles c. E ta esun cu a provee e placa pa Diana P por a pone den e galiñanan. Na Aruba aña pasa a sentencia 3 otro sospechoso, y den apelacion nan a haya 4 aña di castigo di prison.