Oduber: Intencion ta pa cera dump Parkietenbos aki 90 dia

ORANJESTAD – E intencion di e tarea cu e steering committee di dump Parkietenbos a haya, ta pa dentro di 90 dia nos mester por cera dump. Asina minister di medio ambiente Otmar Oduber a bisa durante e programa NoticiaCla LIVE riba Facebook. “Sera dump te caminda cu por. Y esey ta nifica cu no tin candela mas, ta significa cu no tin tiramento di desperdicio eynan mas “Oduber a sigui clarifica. Ora cu a sigui puntra, Oduber a ripiti, cu ta berdad cu ta ‘purbando na e momentonan aki’ pa wak con por logra esey. Esey ta bay ta e parti di solucion a termino corto, cu ta cera dump, e parti di termino medio ta esun cu tin cu ‘overbrug’ e proceso te ora cu tin un solucion definitivo pa e problema di dump aki 2 aña y mei. “Esey ta nifica cu nos ta bay traha cu companianan existente y ta bay crea un storting plaats nobo y ta bin cu un maneho cu ta bay yena e buraconan cu tin” Oduber a sigui bisa.

TRAHADONAN DI SERLIMAR

Segun Oduber, contestando pregunta den e programa, e trahadornan di Serlimar no mester tin ningun preocupacion cu ora cu cera Dump, cu nan trabou ta na peliger. “Absolutamente” Oduber a bisa. Segun e mandatario, e la bisa cu a percura pa esey ta un di e condicionnan cu a lanta e steering committee, cu mester haci Serlimar un compania ainda mas fuerte y mas solido. Esey ta nifica cu e existencia di Serlimar ta keda intacto y ta bay fortifike. No sa ainda si ta bay cambia su status di un sui generis pa un NV, of un fundacion. “Tanten cu e ta fortifica e compania y e aspecto huridico di tur su trahadornan” Oduber a finaliza bisando.