Autordad a cuminsa controla containernan di clapchi na Wela

ORANJESTAD – Controlnan riba e containernan di clapchi a cuminsa awe mainta na Wela. Manera ta conoci, recientemente un cantidad di container a yega Aruba cu clapchi pa benta pa fin di aña. Awe mainta personal di douane, DOW, DTI y cuerpo di bombero a cuminsa inspecciona tur e containernan, esta e ‘vrijmaking’ di e containernan. For di potretnan suministra pa cuerpo di bombero, por mira e trabaonan tumando lugar desde awe mainta. Dia 27 di december for di momento cu solo sali, por cuminsa bende clapchi, aunke no ta sigur cu tur esnan cu a importa clapchi, por cuminsa bende mesora. Ta depende si nan container y clapchi a keda cla cu control, si nan por cuminsa.