Gobernador Alfonso Boekhoudt a ricibi relato durante su bishita na Cas di Aruba

DEN HAAG – Gobernador Alfonso Boekhoudt a ricibi un verslag cu a wordu compila door di Roy Hart y Angelique Thode durante di su bishita oficial na Cas di Aruba. Den presencia di Minister Plenipotenciario Guillfred Besaril, Roy Hart funcionario encarga cu e departamento di “Economische Acquisitie” na Cas di Aruba a hasi entrega di e relato.

E relato ta encera e trabaonan cu a wordu ehecuta durante cu Gobernador Boekhoudt tabata Mi-nister Plenipotenciario na Hulanda. Sr. Hart a duna un splicacion riba e relato cu ta duna un sumario di e eventonan cu a wordu organiza na Cas di Aruba pa atrae compania Hulandes pa inverti na Aruba. Evenementonan na unda ex-Minister Alfonso Boekhoudt a duna presentacion na diferente compania Hulandes. Tambe e relato ta elabora riba e mission comercial di Reino pa Cuba, e sosten di proyectonan pa Gobierno di Aruba.

Gobernador a aprecia e relato caminda esaki ta keda como un bon recuerdo pa su persona. Gobernador Boekhoudt na e ocacion aki a enfatisa e importancia pa Aruba por participa na mision-nan comercial di Reino cu por ta na beneficio di nos pais Potret ta cortesia di Cas di Aruba.