Cicely vd Dijs: 'Mi no ta confia Ministerio Publico'

Cicely vd Dijs: 'Mi no ta confia Ministerio Publico'

Posted on 09/23/2014 11:27 am AST | Updated on 09/23/2014 11:51 am AST

WILLEMSTAD – Tabata 4 luna pasa cu conocido comerciante y partner di ex prome minister di Corsou Gerrit Schotte, Cicely van der Dijs a cay sera, acusa di labamento di placa y falsificacion di documento (valsheid in geschrifte). Van der Dijs awor a acepta pa papia cu NoticiaCla.com riba su detencion y e implicacion pa tanto e como su partner. Su di dos y ultimo entrevista cu e la duna riba e tema aki. NoticiaCla.com lo referi na vd Dijs como ‘Cicely’, manera e mes a prefera.

E mainta di detencion

Mientras cu Cicely tabata pendiente di desaroyonan e mainta di e detencion, (yen di rumor tabata core e mainta ey cu lo a detene su partner Gerrit Schotte) e no a kere nunca cu nan lo a bin detene e tambe. Apenas 5 minuut despues cu Schotte a notifica Cicely cu e la keda deteni e mainta ey, recherche a bati na porta di Cicely tambe, cu e intencion di detene. “Ora cu di berdad nan a bisami cu mi ta aresta, mi a pensa cu e hendenan aki ta loco” Cicely ta cuminsa bisa. E loke cu a sigui, -segun Cicely-, no tabata nada placentero. Intimidacion y trato bruto di parti di landsrecherche cu, -segun Cicely-, tabata uno ‘desproporcional’. Te hasta Cicely a ‘informa’ e landsrecherchenan cu nan lo por wordo denuncia pa ‘onnodig geweld’ dilanti su yiu muhe. E loke mas a dal Cicely, ta cu su yiu muhe di 4 luna mester a bai cune warda di polis. Ta te na warda di polis, a ‘take care’ di su yiu.

E prome interogacion

E prome interogacion mes tabata un reto segun Cicely. Un intento pa ‘balota bo inteligencia continuo’ tabata loke e la experencia. ‘Interpretacion di e palabranan di Cicely den manera cu ta cumbini erecherchenandi RST hulandes ta loke Cicely a describi e tono di e interogacion (nan). Despues di e prome interogacion (cu por a dura mei ora), a informa Cicely cu su detencion a keda prolonga y cu e ta keda sera den un celden e centro coreccional “SDKK”. Ta te ora cu el a drenta den su cel y cu a sera esaki, e realidad a dal Cicely cu enberdad e ta encarcela, separa di su yiu muhe . E cel lo a bira su cas pa e proximo 2 anochinan. Segun Cicely, e experiencia ta identico cu loke bo ta wak den pelicula. A hacie un serie di pregunta (check in pa su cel), y despues a ekip’e cu su ‘muebles pa su cas nobo’. Matras, cusinchi, laken, slopi, jug y un fan, tur den un man e mester a carga pa su ‘cas nobo’. Mientras cu cuidadornan di preso a prepara Cicely pa un eventual ‘welcome special’, e experiencia tabata enberdad ‘a la pelicula’. Gritonan di otro detenidonan femenino manera ‘carni fresco a yega’ a zona den su direccion. Otronan sinembargo a tuma su parti, y defende Cicely, cu tabata toch uno di comfort. “ E aceptacion, aunke mi tabatin beperkingen, tabata ok y esey a pone mi sinti hopi ‘ at ease’” Cicely ta sigui conta.

Miedo

Cicely ta sigura NoticiaCla.com cu e no tabatin miedo durante e proceso inicial ni despues. “Mi no a haya miedo. Ta ora cu e bewaker a sera e cel y mi a drenta, mi a bisa wow, mi ta echt sera, separa di mi yiu. Mi no por cana sali for di akinan. E ora ey e la zink in. Pero mi no a yora si” Cicely a sigui bisa.

Tinte politico

Tanto Cicely como su partner Gerrit Schotte ta hendenan hopi conoci na Corsou. Los di cu e ta partner di Schotte, su famia mes tin un nomber caba riba nan mes. Nan ta doño di e cadena di pompstacion Vanddis na Corsou, pa mas di 50 aña. Pero den e ambito politico, e experiencia pa Cicely tabata uno nobo. E asunto ey a dun’e un otro dimension. E hecho cu e lo a cay sera pa algo cu ta toca principalmente su partner, no ta molestie pasobra e ta conciente di e consecuencianan ora cu tuma cierto decision den bida. Di e decision di ta cu Schotte, e tabata conciente di su consecuencia. “Mi a tuma mi decision (pa ta cu Schotte) y mi ta stick cu tur e gevolgenan. E cos cu ta pasando aki, ta inhusticia, esaki ta claramente un persecucion politico” Cicely ta sigura NoticiaCla.com. “Mi no a bargain pa esaki si”.

Inocente di tur cargo

Riba pregunta di NoticiaCla.com, di kico ta pone Cicely sinti asina sigur cu e ta inocente di tur loke a culp’e di dje, segun Cicely, “mi sa kico mi a hasi of laga di hasi”. Witwassen y valsheid in geschrifte ta loke mi ta wordo acusa di dje”. E no por a contesta mas den detayes pasobra e caso ta den investigacion ainda.

Cambio den Cicely

E episodio di su detencion, a cambia bida di Cicely den bon y malo. “Bon den sentido cu bo ta siña aprecia y adora bo famia mas cu nunca”. Malo cu e ta hacibo hopi duro, y casi frieu. “Mi ta midi hende otro. Cos bon ta cu awendia mi sa hopi bon ken ta mi hendenan y ken no” Cicely ta sigui bisa. “Pensa riba e suseso ta wek up un gevoel den mi cu no ta ami. Mi no ta contento cu e gevoel ey, pasobra mi no ta asina. Un gevoel di rabia, desapunto. Un combinacion di gevoel cu no ta ami” Cicely ta sigui bisa. E ta boga pa pas den su mes pa e por duna e suseso su luga pa asinabira e persona cu e tabata antes. Mayoria di hende ta su tras, pero tambe tin un grupito cu ta pensa ‘Bon pa nan!!. Porfin nan a cay sera!!’. “Mi ta laga nan pa Dios”.

Libertad

Su momento di alegria, tabata ora cu e la tende cu e la wordo laga den libertad. Su ‘coleganan prizonero’ a cuminsa grita, sacudi porta bisando cu e lo a bai cas. Tur a grita di alegria cu e por a bai cas. “E tabata un gevoel cu mi no por describi bo” Cicely ta sigui bisa.

OM

Pa loke ta e caso mes, Cicely ta mustra cu e no ta importe loke Ministerio Publico bisa di dje. “E por ta bai zona mahos, pero mi ta lapaan mijnlaars kico OM ta bisa. Pasobra sitin un cos cu mi no tin confiansa den dje ta OM. Mi ta bisabo esey libramente” Cicely ta sigui bisa. Cicely tambe ta sigur cu e unico meta di su detencion ta pa pone presion riba Schotte y kibrele. “E dia cu nan a drenta mi cas 9 di december 2013. Nan ta haci un huiszoeking (30 hende pa 7 ora) , pa supuesto cosnan cu a pasa den 2010. Siendo cu na 2010 tin cartanan di gobernador, director di MOT i tambe di e procurador general di e tempo ey indicandocu Gerrit ta ministeriabel i cu e motmeldingen no tabata tin ningun motibo di persecucion o acto castigabel. Nan ta aresta nos 20 di mei cu e pretexto cu nos mester keda sera pasobra tin collusie gevaar (= miedo cu por papia cu otro). Cu tur respet; nos ta 4 aña despues. Bo ta kere cu si nos mester a papia cos, nos no a papia cos caba? “ Cicely a puntra.

Despues di e libertad

Despues di su libertad, no a impone ningun condicion pa cu su libertad. Ni e, ni Schotte. Esey ta nifica cu e por move cu tur trankilidad. E no tin miedo di nada, pasobra e sa kico e la haci.” Pa tanto cu a papia cu Gerrit lo ta ladron, a midi cu e lo ta e politico tradicional cu tur e ministernan cu diputadonan anterior tabata. Nan mester a drenta den nan cas. Nan a drenta den cas robez” Cicely ta bisa. Segun Cicely, tur su transaccionnan di banco, tabata tur caminda plama. “Nan no a bin cu nada nobo. Nan a haci loke nan a kere cu nan mester a haci” e ta sigui bisa. Segun Cicely, Corsou a para bira un isla di redo.

Stima Corsou

Tur loke a pasa Cicely, e no ta critica su isla. “Mi ta stima y adora mi pais. Si ta pa mi pais, mi ta duna tur cos. Pero mi no tin confiansa den OM pa nada di mundo ni den e gobierno sinta aworaki” Cicely ta sigui bisa. E no ta bisa esey pa e motibo cu e ta cu e persona cu e ta cune aworaki. A papia cu Schotte riba e posibilidad pa retira di e mundo politico. “Nos a papi’e, pero e stimacion cu Gerrit tin pa Corsou ta asina grandi y e cambio cu e kier trece ta asina grandicu e ta duna nos e forsa pa sigui. Pero nos no mester di dje. Mi famia sigur no mester di dje. E tristesa cu mi tata a pasa aden ta loke mas ta duel mi, ta loke ta hacimi hopi dolor. E ta ponebo pensa dos biaha. Pero mi ta para tras di Gerrit 100%” Cicely ta bisa. “Awor mas cu nunca, nos kier purbadi trece e cambionan necesario pa nos pais. Corsou ta masha masha dushi. Bo mester bringa pa bo pais”. E ta spera cu aki 5 aña, nos ta den un Corsou cambia.

 

  • Avion di American Airlines a bolbe Corsou debi cu un motor a ‘cai afo’

    Avion di American Airlines a bolbe Corsou debi cu un motor a ‘cai afo’

    WILLEMSTAD - Un avion di American Airlines cu diadomingo atardi a sali for di Corsou rumbo Miami mester a regresa Corsou debi cu un di su motornan a cai afo. Un desperfekto na e motor a pone cu mesora a dicidi pa bini bek Corsou pa atende cu esaki. Mas informacion no tabata disponibel. Noticia ta den proceso. Texto cortesia Igmar Kock. Potret cortesia Dick Drayer. 

  • Mientras Aruba ta keto, gobierno di Corsou a pidi pa ta prepará pa posibel mal tempu

    Mientras Aruba ta keto, gobierno di Corsou a pidi pa ta prepará pa posibel mal tempu

    WILLEMSTAD – Gobièrnu di Kòrsou ta pidi komunidat pa ban prepará pa posibel mal tempu riba djamars 21 i djárason 22 di mei, i tambe djabièrnè 24 di mei. Esaki teniendo kuenta tambe ku nos ta drentando temporada di orkan 2024.

  • JetAir lo a laga un cantidad di pasahero planta, incluyendo na Aruba

    JetAir lo a laga un cantidad di pasahero planta, incluyendo na Aruba

    WILLEMSTAD.- Den e fin di siman ku a pasa, e kompania di aviashon Jetair lo a hañ’é konfrontá ku problemanan serio, ya ku un kantidat di pasahero a keda plantá kaminda nan tabata incluyendo Aruba, miéntras ku tin otronan ku ta pendiente pa biaha, i no ta sigur ku nan lo bula te pa yega nan destinashon. Esei e portal EXTRA por a komprondé. Informashonnan ku tabata sirkulá ayera riba medionan sosial ta indiká ku un kantidat di hende a keda plantá na sierto destinashon sin por a regresá.

  • Advocaat: Grupo di hungador Hulandes no ta interesa pa hunga pa seleccion di Corsou

     Advocaat: Grupo di hungador  Hulandes no ta interesa pa hunga pa seleccion di Corsou

    WILLEMSTAD – Varios hungadornan professional Hulandes a ignora e carta di invitacion cu e entrenador pa seleccion di Corsou Dick Advocaat a manda pa nan. Hungadornan manera Justin Kluivert, Tahith Chong, y Riechedly Bazoer a haya un carta y ningun di tres a reacciona. Kluivert awe a tende cu e no ta selecciona pa hunga pa Hulanda pa Copa Europa. Porta awor e por cambia di opinion. Pero manera Advocaat a bisa, nan a nenga pasobra nan ta kere cu nan ta suficiente bon pa e seleccion Hulandes. Awe Advocaat a haya razon.  Corsou mientrastanto a publica un lista di hungadornan pre selecciona y nombernan di Kluivert, Chong, yBazoer no tabata aden. E prome wega di cualificacion ta dia 5 di juni contra Barbados y dia 8 di juni contra di Aruba.  

  • Den un aña La Vela de Coro a exporta mas di 3 mil ton di producto pa Corsou

    Den un aña La Vela de Coro a exporta mas di 3 mil ton di producto pa Corsou

    VELA DE CORO – Den un aña , La Vela de Coro a exporta 3.155 ton di producto pa Corsou. ASina e vicepresidente di  Camara de Comercio di La Vela de Coro, Juan Gotopo, ia informa e siman aki. Esaki ta for di momento cu na 2023 a cuminsa manda e prome productonan pa Corsou. Mayoria di e productonan ta fruta y vegetables, aunke tin tambe carbon vegetal, y material di construccion. 

  • Relashona cu daño na Hofi Mango na Corsou, premier Pisas a reuni ku Jandino Asporaat

    Relashona cu daño na Hofi Mango na Corsou, premier Pisas a reuni ku Jandino Asporaat

    WILLEMSTAD  – Minister Pisas huntu ku Jandino Asporaat durante un reunion djaluna atardi a deliberá tokante e daño ku e proyekto Hòfi Mango a sufri durante e áwaseru eksesivo ku a kai djasabra último.

  • Powered by SETAR