Koolman: Detencion top CITGO a afecta fianza pa RDA

Koolman: Detencion top CITGO a afecta fianza pa RDA

Posted on 12/12/2017 10:18 am AST | Updated on 12/12/2017 10:18 am AST

ORANJESTAD – Berdad cu e detencion di top di Citgo na Venezuela lo tin efecto riba e pagonan pendiente di doño di refineria di Aruba (RDA). Asina CEO y presidente di RDA Alvin Koolman a confirma den un entrevista exclusivo pa NoticiaCla LIVE. Berdad cu pa e aña aki gobierno lo no ricibi e suma total mas di RDA, pero lo tin un tardanza. Esey no ta nifica si cu gobierno lo no haya placa ‘at all’ mas, segun Koolman. Mientras cu no sa exactamente cuanto e tardanza lo ta, ta papia di entre 1 pa tres luna.

BANCO PREOCUPA

Berdad ta tambe, segun Koolman, cu banconan local cu cual RDA tabata negosha pa financia e suma restante di 41.4 miyon florin a preocupa, ora cu a detene e top di CITGO recientemente na Venezuela. Esaki pasobra a detene tambe e hefe na ken CITGO Aruba ta raporta. Enberdad banconan local cu tabata den proceso pa fia RDA e suma di 41.4 miyon florin cu nan falta pa paga, a cuestiona e detencion y ki impacto e por tin riba futuro di e refineria na Aruba. Como tal e proceso di fianza lo conoce un retraso. Pero e siman aki RDA mes lo haya un briefing di Citgo Aruba riba e.o. e situacion aki.

DEBE

Koolman a splica ademas cu mester clarifica e suma cu e compania debe gobierno, ya cu esaki ta ‘apenas’ 41.5 miyon florin y no 74 miyon manera ta wordo bisa. E CEO a splica cu a paga 8 miyon na comienzo di e aña aki, sigui pa 9.6 miyon na BBO/BAZV, y na October a bolbe paga un otro 10 miyon. Esey ta suma 27.6 miyon florin, y cu e 5 miyon cu nan ta programa paga e fin di siman aki, e suma total cu RDA a paga gobierno lo bira 32.5 miyon florin. Esey ta nifica cu tin un balansa di 41.4 miyon florin cu RDA mester haya fianza pe. E suma ey, lo tarda pa gobierno ricibi, pero no cu a pone un paro definitivo. E declaracion di minister Otmar Oduber dialuna cu RDA no a paga nada ainda, no ta cuadra segun Koolman. Oduber a bisa, riba pregunta di e portal aki, cu e no sa riba cua cuenta RDA a paga e suma, pero cu na gobierno (financien) e placa no a drenta. Koolman ta refuta e declaracion aki. “Nos a paga 27.6 miyon caba!” Koolman a sigura e portal aki.

 

  • Edificio nobo di utilidad na aeropuerto a yega su punto mas halto

    Edificio nobo di utilidad na aeropuerto a yega su punto mas halto

    ORANJESTAD – E edificio nobo di utilidad na aeropuerto a yega su punto mas halto y a celebra esaki cu e acostumbrado spantenbier diabierna ultimo. E minister encarga cu aeropuerto Dangui Oduber tabata presente pa e evento, y hunto cu e director saliente di aeropuerto James Fazio, a atende esaki cu invitadonan. E edificio ta parti di e proyecto miyonario di expansion di e aeropuerto, esta Gateway 2030. E ta un inversion di 500 miyon florin cu mester keda completa dentro di 5 aña. 

  • Aruba Airlines a inaugura su buelo pa Riohacha diabierna

    Aruba Airlines a inaugura su buelo pa Riohacha diabierna

    ORANJESTAD – Despues cu a haci estudionan necesario, Aruba Airlines a ‘inaugura’ su buelo pa Riohacha Colombia diabierna mainta, cu un grupo di prensa y algun pasahero. Segun operations manager Frank Arends, esaki ta bira un di e tres destinacionan cu Aruba Airlines kier bula pa Colombia. Fuera di Riohacha, tin pensa tambe pa bula Medellin y Baranquilla. A cuminsa cu Riohacha pasobra e ekipo (avion) ta cla y por a cuminsa mesora. E ta un ruta popular, conoci pa otro aeroliñanan manera Tiara Air cu a bula e ruta aki exitosamente pa 5 aña largo. E ta un destinacion cu ta conecta famia cu otro, comercialmente tambe y ta uno basta barata. Ta usando e avion tipo CRJ 200, cu 50 pasahero, y tin pensa di usa e mesun tipo di avion aki pa e otro destinacionan den Colombia. 

  • SADA: Gobierno a confirma cu tin placa aloca pa douaneronan

    SADA: Gobierno a confirma cu tin placa aloca pa douaneronan

    ORANJESTAD – Gobierno a confirma na sindicato di douanero (SADA) diabierna mainta, cu tin fondo aloca pa paga e asunto di structura di salario. Asina presidente di e sindicato, Eduard Maduro, a bisa Noticiacla.com diabierna atardi. Diabierna mainta e sindicato a reuni cu e trahadonan durante ora di trabou, como un tipo di accion. Esaki a haya atencion di e minister cu a reuni cu nan mesora y awor parce cu nan a sali for di e reunion den un forma positivo. 

  • KVK: Reunion cu Minister di Finanza riba reforma fiscal tabata fructifero

    KVK: Reunion cu Minister di Finanza riba reforma fiscal tabata fructifero

    ORANJESTAD – E reunion cu Minister di Finanza, Xiomara Maduro, diahuebs ultimo (22 di augustus 2019) riba reforma fiscal tabata fructifero. Asina e gremio comercial a bisa den un comunicado diabierna. Segun e gremio, e reunion tabata uno positivo, caminda tanto KvK como e Minister a discuti abiertamente riba e punto di impuesto, en particular e importancia pa laga BBO riba recibo y e consecuencianan cu esaki ta bin cu ne.

  • KvK a alerta minister di competencia inhusto di cierto distribuidor y comerciante

    KvK a alerta minister di competencia inhusto di cierto distribuidor y comerciante

    ORANJESTAD – Durante e reunion cu Camara di Comercio tabatin cu minister di Finanza Xiomara Maduro e siman aki, a probecha pa alerta e Minister riba e situacion di competencia inhusto di cierto distribuidor y comerciante den tienda ta confronta cu ne diariamente. Tin comerciante preocupa, cu tin negoshi ilegal, cu diariamente ta importa e productonan y ta capaz di pone prijs mas abou, pasobra nan no ta cumpli cu e rekisitonan, pa haci negoshi manera; registra e negoshi y paga impuesto. KvK ta sostene e empresarionan y hopi di nan ta kere den competencia, pasobra esaki ta hisa e calidad di e producto y servicio y di nan benta ta cumpli cu impuesto y e beneficionan social di empleado. Pero e comerciantenan ta haya cu esaki mester keda den un forma husto, caminda ta reina un ‘level playing field’. Un comerciante, cu ta cumpli cu ley, no por competi contra e negoshinan ilegal, cu no ta cumpli cu leynan di impuesto. Esaki ta resulta cu e gastonan pa mantene un negoshi ta mucho halto, anto KvK tin diferente opcion con pa combati esaki.

  • Presupuesto 2020 no ta keda cla pa entrega dia 1 di september awor

    Presupuesto 2020 no ta keda cla pa entrega dia 1 di september awor

    ORANJESTAD – Presupuesto 2020 lo no keda cla pa entrega dia 1 di september 2019 manera ley di comptabilidad ta prescribi. Prome Minister, Evelyn Wever, a confirma esaki diahuebs pa noticiacla.com. Di otro banda, Wever a bisa si, cu lo entrega algo pa e fecha ey, un idea di con e presupuesto lo ta. “Nos ta na e ultimo fase di prepara e begroting 2020. Nos no a cera e begroting ainda” Wever a bisa. Loke e kiermen cu esey, ta, pues yega na e surplus di 25 miyon cu tin cu yega otro aña conforme e normanan stipula cu CAFT. “Mi no ta kere nos ta cla 1 di september, pero dia 1 di september nos lo tin algo si pa entrega y mustra ki direccion nos ta bayendo”. 

  • Powered by SETAR