Oduber: Tin solucion pa Dump Parkietenbos den 90 dia

ORANJESTAD – Un comision grandi (steering committee) tin 90 dia pa bin cu un solucion concreto pa e problema di Dump na Parkietenbos. Despues gobierno tin 2 aña y mey pa instala y resolve e problema. Asina minister di medio ambiente Otmar Oduber a bisa den conferencia semanal di gobierno.

INVENTARIO

E comision ta forma pa practicamente tur stakeholder cu tin di haber cu e problema aki, y ta hopi amplio manera e mandatario mes a admiti. Nan a keda instala awe mainta y ta cla pa cuminsa traha. Entre e trabaonan, mester inventarisa tur loke tin haci caba, y wak con por uza esaki. Riba pregunta di NoticiaCla, Oduber a sigura cu lo manda busca e representantenan di e compania Bouldin & Lawson, pa wak kico por haci cu e ekipo cu nan a instala algun tempo pasa, y wak con esaki por yuda cu e problema. Tambe lo uza TNO pa encarga su mes cu un TOR (Terms Of Reference), cu ta encera un tipo di ‘destaho’ publico, unda cu tur hende por participa aden.