Ewald Biemans nombra hotelero di Aña di Caribe pa Caribbean Journal

EAGLE BEACH – E hotelero local, conoci pa su accionan di medio ambiente Ewald Biemans a keda eligi como e hotelero di aña pa Caribe, pa e revista electronico Caribbean Journal. Biemans ta propietario di e dos hotelnan Bucuti y Tara Beach Resort. Biemans y su hotelnan ta conoci pa pone un standard pa innovacion hotelero usando tecnologia ‘berde’ riba e ambiente di sostenibilidad. Pa e revista electronico, ta uza e hotelnan di Biemans como ehempel con pa maneha un hotel y diseña e resto di Caribe. Ademas Biemans ta conoci di ta contesta tur comentario riba trip advisor personalmente, y a gana varios premio di e mesun portal internacional renombra cu ta basa su mes riba experiencia turistico. Segun Biemans, e ta honra pa wordo reconoci pa e revista electronico.