CIBC FirstCaribbean ta duna e rotonde di Tanki Flip e ambiente di pasco

ORANJESTAD - CIBC FirstCaribbean a adopta e rotonde di Tanki Flip e aña aki y asina laga esaki luci e luznan di pasco. Comunidad ta custumbra di mira tur e rotondenan rond di Aruba bunita decora cu luznan, decoracion di pasco y lesa mensahenan di bon deseo. CIBC FirstCaribbean a pone e tres puntonan aki hunto y a duna e rotonde di Tanki Flip e ambiente aki. Aruba por aprecia luznan cu ta duna e rotonde e ambiente di pasco. Ademas tin kerstboomnan sostenibel, pensando riba nos medio ambiente cu den anochi tambe ta luci hopi bunita. Y pa termina CIBC FirstCaribbean ta duna nos comunidad e bon deseonan den e cuatro idiomanan mas uza riba nos isla.

Riba e potretnan por aprecia e team di CIBC FirstCaribbean cu e adornonan na e rotonde di Tanki Flip. CIBC FirstCaribben ta invita comunidad pa pasa aprecia e decoración, saca un potret y comparti e spirito navideño.