Abogado Eugene Martis huramenta como miembro nobo di RvA

Posted on 12/7/2017 4:49 pm AST | Updated on 12/7/2017 4:50 pm AST

ORANJESTAD – Den presencia di Gobernador di Aruba Interino, sra. Y.V. Lacle-Dirksz, a huramenta como un di e miembrnan mas nobo di Raad van Advies, mr. E.H.J. (Eugene) Martis. E huramentacion a tuma luga diahuebs 7 di december. E ceremonia a conta cu e presencia di: sra.Maura Brown (casa di mr.Martis); Minister President di Aruba, mr. Evelyn Wever-Croes y representando Raad van Advies: President RvA mr. F.Goedgedrag, Secretaria RvA mr.dr. van der Wal, Secretaria-adhunto RvA mr. A. Braamskamp.

Cu e nombramento di di mr. Martis RvA ta un biaha mas completo. Ta asina cu desde 1 di november a crea un vacatura cu partida di mr. Schwengle kende awo a ta miembro di Raad van State representando Aruba. A selecta mr. Martis door di un procedura di solicitud habri. E Hunta a recomenda mr. Martis como un miembro nobo. E Hunta ta contento cu e nombramento di mr.Martis y tin bista riba un bon colaboracion cu mr.Martis.

  • WEB: Blackout debi na defecto di kabel di generador di turbina 6

    WEB: Blackout debi na defecto di kabel di generador di turbina 6

    ORANJESTAD – E causa di e blackout di 11 di mei ultimo ta un defecto den e conexion di cabel cu ta bay pa generador di turbina 6. Esey ta resultado di e investigacion di WEB Aruba cual entretanto a keda cla. E defecto di kabel a trigger e sistema di proteccion di e generador, cu consecuencia cu esaki a stop di funciona. Generador di turbina 6 tawata regla e frecuencia pa por cumpli cu e demanda cu tawatin na e momento ey. E otro motornan, generador y turbinanan a purba carga e demanda pero no tawatin suficiente reserva, cual a conduci na interupcion total. Un sistema inteligente di maneho di planta, den futuro lo trece un suministro mas stabil y maneho mas rapido ora di blackout.

  • Buelo Aruba-Punto Fijo ta esun mas cortico comercial di mundo

    Buelo Aruba-Punto Fijo ta esun mas cortico comercial di mundo

    ORANJESTAD – E buelo entre Aruba y Punto Fijo, Venezuela a keda marca como e buelo internacional comercial mas cortico di mundo, midi na 8 minuut di buelo. Asina e portal internacional di aviacion, esta ‘Aviation’ a informa. Nan ta referi na e buelo cu a keda inaugura siman pasa, entre e dos destinacionnan y cu ta cubri 50 miya di biahe. E buelo ta dos biaha pa siman. E aerolinea ta uza e tipo di avion Bombardier CRJ-200LR pa efectua e buelo. Actualmente e buelo regular mas cortico entre dos destinacion ta esun di Logan Air di Westray pa Papa Westray. E duracion di e buelo ey ta 2 minuut. Fuente, cortesia Airways. Potret cortesia Juan Carlos Hernandez/ZUMA Wire/Alamy Live News

  • IVA: Kwaliteitsjaarverslag y klachtenregeling mester ta cla 1 di juni

    IVA: Kwaliteitsjaarverslag y klachtenregeling mester ta cla 1 di juni

    ORANJESTAD - Dia 1 di juni 2018 ta e ultimo dia pa tur dunadonan di cuido na Aruba entrega nan kwaliteitsjaarverslag y regla nan klachtenregeling. Pues, nan mester entrega un documento cu ta duna Inspectie Volksgezondheid Aruba informacion di por ehempel, e maneho, kehonan cu a wordo entrega, incidentenan, protocol y proceduranan di un praktijk y/of institucion di cuido. Esaki ta pa IVA haya un bista di e calidad cu ta wordo brinda cerca un dunado di cuido y pa por duna conseho pa mehoracion. Alaves, tur dunadonan di cuido mester tin un klachtenregeling regla pa dia 1 di juni 2018. Esaki ta nifica cu nan mester tin proceduranan riba papel ora cu un pashent kier entrega un keho cerca e dunado di cuido. Tur e kehonan aki lo mester wordo nota tambe den e kwaliteitsjaarverslag cu ta wordo entrega na IVA anualmente.

  • Emisoranan mester paga 3 mil florin mensual pa toca cancion

    Emisoranan mester paga 3 mil florin mensual pa toca cancion

    ORANJESTAD – Entrante 1 di juni 2018, radio emisoranan na Aruba (tin entre pa 21 emisora) mester paga un multa pa cada cancion cu nan toca comercialmente, si nan no ta afilia na e agencia cu ta representa nan derecho, esta (Dutch Caribbean Pro) DUCAPRO via e bufete di abogado DK Legal. Pa nan ta afilia y asina tin derecho riba uso comercial di un lista grandi di artista local y internacional afilia, nan mester paga DUCAPRO e suma mensual di 3.000 florin. Asina e bufete di abogado David Kock (DK LegaL) a informa tur radio emisora pa medio di un carta siman pasa. Esnan cu no kier afilia (cu ta nan bon derecho segun e agencia) lo wordo cobra y/of multa pa cada bez cu nan toca un cancion cu ta registra pa DUCAPRO.

  • Lugo: 1132 Venezolano por vota na Aruba pa eleccion presidencial

    Lugo: 1132 Venezolano por vota na Aruba pa eleccion presidencial

    ORANJESTAD – Diadomingo awor un total di 1132 Venezolano na Aruba tambe por vota pa e eleccion presidencial di e pais andino. Asina e Consul Interino Amabél Lugo a confirma pa NoticiaCla diahuebs. E eleccion presidencial pa e termino 2019-2025 ta tuma lugar dia 20, y esnan cu ta inscribi den e registro Electoral permanente, por vota tambe e ora. Lugo a sigura e portal aki cu e preparativonan pa e proceso electoral ta canando bon.

  • Paskel: Ningun rato DIMAS a informa cu lo duna asilo politico awe

    Paskel: Ningun rato DIMAS a informa cu lo duna asilo politico awe

    ORANJESTAD – No tin ningun proceso di amnestia na vigor actualmente. Asina directora di DIMAS Kathy Ruiz Paskel a confirma diahuebs merdia na NoticiaCla. Esaki ta basa riba e fluho di centenares di persona Latino cu a acudi diahuebs mainta tempran na DIMAS keriendo cu nan lo a bin haya amnestia y of asilo politico. Un rumor fuerte cu a circula un dia anterior incorecto tabata informa cu esaki lo tabata e caso.

  • Powered by SETAR