Autoridadnan di turismo a reuni cu Carnival y Royal Caribbean Cruise Lines

Posted on 12/6/2017 4:54 pm AST | Updated on 12/6/2017 4:54 pm AST

ORANJESTAD – Siman a cuminsa cu un momento importante pa futuro di turismo na Aruba, specificamente pa loke ta trata turismo crucero. Un delegacion consistiendo di ministernan Danguillame Oduber y Chris Romero, CEO di ATA Ronella Tjin Asjoe-Croes, Patrick Melchiors y Cruise Manager, Mario Arends, y Humphrey Tromp di APA a reuni cu ehecutivonan di Carnival Cruise Lines y Royal Caribbean Cruise Lines. Reunionnan a tuma lugar na nan sede na Miami. Esaki ta dos di e liñanan di crucero mas grandi na mundo, y como tal, sigur hopi relevante pa Aruba su industria turistico.

E bishita tabatin como obhetivo pa analisa e aña cu ta culminando, pero principalmente pa informa di proyeccionnan, pero tambe brinda informacion di entre otro desaroyo na puerto di Aruba. Esaki no ta prome biaha cu ta trata e topico aki cu lineanan crucero, pero ta di importancia pa mantene esakinan bon informa. Minister y autoridadnan presente a reitera e compromiso di Aruba pa cu e industria y bienestar di turismo crucero. Lineanan a resalta e forsa di Aruba y e relacion estrecho cu ta existi entre autoridadnan y e ehecutivonan di ambos linea.

Turismo crucero ta proyecta pa crece cu 16% e aña aki y pa otro aña ta premira cu e obhetivo di crecemento di 7% lo ser logra. Te cu oktober e aña aki por mira un crecemento di 23% compara cu aña pasa. E crecemento ta bin primordialmente door di crecemento den lunanan ‘low’ pa turismo crucero, esta di mei pa september.

Carnival Cruise Lines ta proyecta di trece un total di 185 mil turista e aña aki y lo mantene esaki pa otro aña. Di parti di Carnival Cruise Lines, Aruba ta ricibi entre otro e barco ‘Carnival Vista’. Pa loke ta trata Royal Caribbean Cruise Lines conhuntamente cu Celebrity Cruise Lines, Aruba lo ricibi un total di 195 mil pasahero e aña aki, mientras cu na 2018 esaki lo ta proyecta pa 210 mil pasahero. Mester bisa cu Royal Caribbean Cruise Lines y Celebrity a categorisa e ‘rating’ cu pasaheronan ta duna pa Aruba como esun mas fuerte pa nan den Caribe. A reteira cu semper Aruba ta score bon, pero cu Aruba a surpasa su propio ‘rating’ halto e aña aki.

Durante e reunionan, ambos Minister y autoridadnan a compila informacion cu por yuda den sigui mehora e experiencia di e bishitante. Minister di Turismo a indica cu lo traha riba puntonan di mehoracion na un manera rapido pa asina por sigui mantene e posicion fuerte di Aruba, como tambe sigui mehora ‘negoshi’ pa ambos Aruba como e lineanan crucero. Puntonan di atencion ta inclui: orarionan cu tiendanan ta habri den e area di nos capital, ilustrando cu lo ta bon pa tiendanan ta habri despues di 6 or. Tambe e variedad di oferta cu Aruba mester enfoca riba dje, parando keto aki na ‘experiencianan nobo’ cu tokenan diferente y cultural. A sigur subraya e importancia di sigui pone atencion na ‘congestion’ den trafico, y riba maneho di e fluho di pasaheronan. Hecho ta cu na Aruba pasaheronan ta sinti nan na cas y sigur y esaki mester keda manteni tambe.

Tabata reunionnan fructifero cu lo sigui stimula desaroyo di e industria aki den bon direccion. Algo di importancia considerando cu cada pasahero ta gasta US $112.- promedio durante nan bishita di algun ora na Aruba.

  • Cumpra bo auto nobo awo y cuminsa paga na Januari 2019!

    Cumpra bo auto nobo awo y cuminsa paga na Januari 2019!
  • Otro feliz ganado di Zodiac

    Otro feliz ganado di Zodiac

    ORANJESTAD - Ora bo dia di suerte yega, no tin duda cu ta pa bo e la yega. Ashline a pasa Lucky Trailer y a cumpra diferente numbernan. Esun cu a sali ganado ta 6453 signo Leo. E la inverti solamente un suma chikito di 50 cen na e numbernan cu a sali y asina a resulta e feliz ganado di 12.500 florin. Zodiac ta haci otro hungado un feliz ganado. Hopi pabien!

  • Aiky Croes a pasa Savaneta gasoline dealership pa ruman Rudy

    Aiky Croes a pasa Savaneta gasoline dealership pa ruman Rudy

    ORANJESTAD - Sr. Mario Alcaldo Croes – mihor conoci como Aiky Croes a pasa su gasoline dealership di Savaneta pa su ruman homber Rudy Croes. Durante un evento recien, FMSA a reconoce e dos personanan aki den un ceremonia special. Sr. Croes a inicia su carera den Colony na an?a 1960, como empleado di e gas stacion di su tata Sr. Francisco C. Croes y por ultimo como dealer di e stacion di gasolin na Savaneta, awor conoci como Citgo Savaneta. Un carera di 58 an?a cu seguramente ta di admira. Na mes un momento, FMSA a reconoce Sra. Elva Croes-Tromp—mihor conoci como Sra. Elsa Croes casa di Sr. Aiky Croes, pa su an?anan di servicio na e stacion di gasolin di Savaneta. Sra. Croes a traha 53 an?a na e dealership di famia Croes, el a cuminsa su carera como empleada y despues como accountant di e dealership.

  • Gobierno kier purba habri frontera prome pa fruta, berdura y pisca

    Gobierno kier purba habri frontera prome pa fruta, berdura y pisca

    ORANJESTAD - Despues cu prome minister di Aruba Evelyn Wever a papia cu varios importado di fruta na Aruba, a haci peticion pa habri e frontera prome cu 6 di juni, y no warda te e fecha ey. Asina el a bisa NoticiaCla den un entrevista exclusivo dialuna merdia. E peticion Wever a tuma hopi na serio y tabata den reunion cu nan constante y wak si por habri e frontera mas tempran pero solamente pa fruta y berdura y pisca. Pesey e reunionnan aki ta. Venezuela a priminti cu diabierna ultimo mas tarda lo a manda e documentonan necesario, pero no a haya nada ainda. “Awe mi a bolbe puntra autoridad si nos por habri e fronteranan prome cu 6 di juni, y nan a bisami cu manera cu cos ta aworaki, nos no sa ainda kico Venezuela ta expect di nos” Wever a bisa. A papia cu e embahador di Hulanda na Venezuela pa trece fruta y berdura mas barata for di eynan.

  • Zodiac a paga otro premio mas di Afl. 12.500,-

    Zodiac a paga otro premio mas di Afl. 12.500,-

    ORANJESTAD - Zodiac a parti otro premio di Afl. 12.500,-, y e biaha aki na meneer H.E. Ibarra. E la cumpra 50 cent na combinacion di number 6453 cu signo Leo y a bira un ganado. Riba 7 di mei e la pasa Oficina principal di Lotto, na Oranjestad, pa reclama su premio. E la cumpra su ticket di suerte na Indio Stewart Lottery Sta. Helena.

  • Office Systems Aruba orguyoso di a muebla Prinses Amalia Basisschool

    Office Systems Aruba orguyoso di a muebla Prinses Amalia Basisschool

    ORANJESTAD -Recientemente Office Systems Aruba a keda completamente cla cu entrega di muebles di skol y tambe tur equipo pa gymzaal na Prinses Amalia Basisschool na Sero Blanco. Tur muebles y equipo di gymzaal a bin di Europa y ta di un calidad duradero. Como cu e instalacion di e gymzaal ta algo hopi specialisa Office Systems Aruba a haci esaki conhuntamente cu un experto di e fabrica pa asina garantiza un bon trabao y seguridad di e muchanan cu ta bai haci uso di e instalacionnan nobo di gymnastiek cu tin.

  • Powered by SETAR