Wever: Detencion di top di CITGO ta para pago na gobierno di 70 miyon

ORANJESTAD – Gobierno di Aruba no ta bay ricibi e placa pendiente di refineria mas pa e aña aki. Prome Minister Evelyn Wever Croes pafor di gabinete di Gobernador Boekhoudt a informa prensa di esey. Segun Wever, detencion di e top di Citgo recientemente, ta pone cu dificilmente e compania por haya un banco pa financia e suma cu RDA mester paga gobierno. E suma di 70 miyon ta parti di e 'settlement agreement' cu Valero y mester ta paga pa fin di aña. Pero segun Wever, esaki lo no tuma lugar mas mirando e situacion cu a surgi. “Pero awor ta duidelijk cu e placa no ta bay drenta mas” Wever a bisa. RDA (Refineria di Aruba) no tin e placa segun Wever, y ningun banco ta bay financia nan awor.