Pareha turista cu problema pa paga hospital durante estadia na Aruba

SOUTH BOSTON (CBS) –Un pareha Mericano ta(bata) pasando nan vacacion na Aruba, ora cu un di nan a bira malo y haya problema pa bandona nos isla. Patsy y Richie DeVoe nan vacation a daña ora cu Patsy a bira hopi malo, te cu e mester a keda hospitaliza. Problema ta cu hospital na Aruba no kier a acepta nan seguro medico, pa un operacion crucial cu e dama mester a haci. Y esey a complica e situacion, te na unda cu e yiunan a bay prensa y busca ayudo.

PROBLEMA

E loke cu e mama (Patsy) a haya, ta dolor serio na stoma, y ta parce cu ta un ‘asunto abdominal cu blockage y mas cos. “Pero nan no ta sigur. P'esey nos kier e bek na Merca” e yiu muher Suzanne a declara na un canal di television Mericano durante fin di siman. E mama lo a keda opera of mester a haci un operacion di emergencia despues di e dianan di gracia (Thanksgiving). E recibo medico ta aumentando te cu el a yega 20 mil dollar caba. E yiu muher a cuminsa un campaña di recauda fondo pa colecta placa. E tabata pa nan recauda e suma di 50 mil dollar pa asina cubri tur gasto y mas importante, trece nan mama bek Merca.