Detencion di padrastro di 2 criaturanan prolonga

Detencion di padrastro di 2 criaturanan prolonga

Posted on 12/4/2017 1:06 pm AST | Updated on 12/4/2017 1:10 pm AST

ORANJESTAD - Riba 4 di december 2017 huez comisario encarga cu casonan penal, a duna ordo pa prolonga detencion (bewaring y verlenging di bewaring) di e sospechoso G.A.C.M.

Esaki riba peticion di Ministerio Publico. Tin sospecho fuerte cu M. a haci su mes culpable di complicidad di homicidio di Rishandroh di 5 aña di edad y tambe di complicidad di maltrato severo di Rishandroh, cu morto como consecuencia.Alavez e ta wordo sospecha di complicidad di maltrato di Rishandro severamente varios biaha y durante un periodo largo di tempo. Ademas e ta wordo sospecha di a haci su mes culpable di complicidad di homicidio di Eugene di 3 aña di edad, como tambe di complicidad di maltrato severo di Eugene, cu morto como consecuencia.Den caso di Eugene mescos cu di su ruman Rishandroh, M. ta wordo sospecha di complicidad di maltrato severo varios biaha y durante un periodo largo di tempo.Como e di cinco hecho M. ta wordo acusa pa awor cu el a maltrata su pareha pa tempo largo varios biaha. M. ta wordo alavez sospecha di a dera e curpa di Eugene cu e intencion pa evita cu su morto lo bira conoci.Sinembargo, legalmente no ta posible pa detene un persona riba sospecho cu el a comete e hecho aki. Pa e motibo ey, e hecho aki no ta para den e acusacion. E investigacion, cu a haya e nomber di ‘Speeltuin’, ta keto bay andando. Ta posible cu den e citacion final e sospechonan lo cambia.

  • Paesch na huez: ‘Ta normal cu mi ta para aki sin sa pakico?’

    Paesch na huez: ‘Ta normal cu mi ta para aki sin sa pakico?’

    ORANJESTAD – Pa casa di ex minister Paul Croes, Melony Paesch, tabata un sorpresa cu e mester a presenta dilanti mesa berde diaranson como un sospechoso den caso Ibis. Pa otronan tambe mirando cu e no a wordo menciona prome como sospechoso. Su nomber sinembargo tabata poni riba e rol di Corte pa presenta tambe como sospechoso. Algo cu el a cuestiona severamente den corte diaranson mainta.

  • Paul Croes den Corte: Mi kier sa di kico exacto mi ta wordo culpa

    Paul Croes den Corte: Mi kier sa di kico exacto mi ta wordo culpa

    ORANJESTAD – “Mi ta para aki cu sentimento mixto. Alivia cu e caso a cuminsa pero alavez desapunta pa e forma con ministerio publico ta trata e caso” tabata e prome palabranan di e ex minister Paul Croes dirigi na e huez cu a trata e regiezitting di caso Ibis awe. Tabata practicamente na final di e caso, cu huez a duna Croes y otro sospechosonan e oportunidad pa dirigi nan mes na e huez. E casa di Croes, Melony Paesch tambe a hiba palabra, pero Giovanni Capriles, no tabatin e necesidad ey. “Mi consenshi ta limpi. Mi ta laga mi abogado haci su trabou”, Capriles a bisa. E otro dos sospechosonan Roque Aparicio y Selma Arends no a hiba palabra.

  • CITGO: A kita embargo ariba azeta crudo y productonan refina

    CITGO: A kita embargo ariba azeta crudo y productonan refina

    SAN NICOLAS – CITGO Petroleum Corporation a informa diaranson merdia cu Corte den Prome Instancia na Aruba a kita dos embargo cu e compania ConocoPhillips a laga poni ariba azeta crudo y productonan refina cu ta pertenece na e compania. Awor cu a kita e embargonan e azeta crudo y productonan refina por sigui nan caminda pa nan destinacion original. Siman pasa na Corsou y Bonaire, corte a kita e embargo parcial riba e productonan eynan tambe. 

  • Huez den caso Ibis a aproba di dos regiezitting y caso ta fin di aña

    Huez den caso Ibis a aproba di dos regiezitting y caso ta fin di aña

    ORANJESTAD – E caso penal Ibis cu ex minister di Aruba Paul Croes como sospechoso principal tabata porta ‘solamente’ un regiezitting diaranson mainta, pero e atencion cu el a hala, tabata grandi. Den e caso aki, unda cu fuera di Croes, a presenta 5 sospechoso, no solamente a pidi pa p.e. tende mas testigo, scucha grabacion di telefon getapt, pero a te hasta pidi pa un di dos regiezitting.

  • Corte di apelacion tambe a duna Island Gaming razon contra FTA

    Corte di apelacion tambe a duna Island Gaming razon contra FTA

    ORANJESTAD – Corte di apelacion a confirma e veredicto diamars den e caso cu FTA a entama contra Island Gaming na februari ultimo Esaki kier men cu Hof a confirma e veredicto di Corte di Prome Instancia (manera cu NoticiaCla a raporta for di aña pasa februari) pues a (bolbe) rechaza e ponencianan di FTA, y tambe di e minister di Labor di e tempo ey Paul Croes y mediador di gobierno Anselmo Pontilius. Esaki kier men cu Island Gaming no mester tuma tur trahador di e compania The Millennium Resource Group NV (TMRG) den servicio y paga nan tur salario atrasa. Hof a conclui cu no tabatin 'transferencia di empresa’ pa diferente motibo. No ta kita afo cu Island Gaming a tuma over gran parti di e trahadornan y a settle cu algun otro, locual pues nan no tabata obliga di hasi. E caso aki a ser hiba como testcase pa FTA pero no a hanja oido ni di Prome Instancia ni di Hof. Por lesa e sentencia AKI.

  • Ex minister Paul Croes dilanti mesa berde diaranson pa caso Ibis

    Ex minister Paul Croes dilanti mesa berde diaranson pa caso Ibis

    ORANJESTAD – Diaranson mainta 9’or ex minister Paul Croes tin cu presenta dilanti mesa berde pa responsabiliza su mes pa e 6 cargonan cu e ta wordo acusa di dje den e caso Ibis. E caso di diaranson ta un ‘regiezitting’ unda cu mas bien ta check di tur partido si mester di mas informacion, investigacion y stipula un fecha pa e caso mes tuma lugar. Hunto cu Croes, tin 8 persona mas cu lo mester presenta pa responsabiliza nan mes. E cargonan pa e otro 8 persona ta varia. Corte a reserva 2 dia mas pa trata e demas sospechosonan (entre 25 pa 30) cu ta envolvi den e caso aki. Pa loke ta Croes, no ta conoci si e mes lo presenta of si ta su abogadonan so lo papia na nomber di nan cliente. 

  • Powered by SETAR