Direccion Aviacion Civil analizando situacion Avior Airlines

ORANJESTAD/ BRUSSELS – Direccion di aviacion civil na Aruba ta ‘analisando e situacion’ pa dicidi ki paso pa tuma. Asina e director di e departamento Edwin Kelly a bisa NoticiaCla riba e situacion di e aerolinea Avior Airlines. E aerolinea Venezolano recientemente a haya prohibicion pa bula riba Europa, y ta poni riba e lista di companian cu no ta ‘safe’. E aerolinea ta bula pa tanto Aruba y Corsou tambe. Pero e destinacionnan aki no ta cay bou di e teritorio di Union Europeo. Como tal e portal aki a acerca e departamento concerni pa averigua esaki.

Avior ta opera avionan tipo Boeing 737-200s, 737-400s y Fokker 50s riba rutanan domestico na Sur America. E tin tambe avionan Airbus A340 pa bula pa Merca y Europa. No ta conoci si Merca lo aplica e mesun regla cu Union Europeo a aplica. Fuera di Avior, tin 177 otro aerolinea cu no ta permiti pa bula riba Union Europeo (Europa).