Luznan na Weg Seroe Preto a keda cendi

Posted on 12/3/2017 9:55 pm AST | Updated on 12/3/2017 9:56 pm AST

ORANJESTAD – Diasabra anochi a tabatin ceremonia di cendemento di luz na Weg Seroe Preto. Prome cu esey, tabatin cantamento di himno, y losmento di blas door di un grupo di mucha, na honor di e dos criaturanan cu a fayece recientemente. A sigui cu un discurso y resamento di Atan Lee, y finalmente pa cende e luznan den tres forma.

E situacion financiero no ta mucho bon, y e comision a mustra cu aunke e situacion financiero no ta bon, a dicidi di sigui toch cu e ceremonia. A mustra tambe tin un debe di 11 mil florin habri, y tambe tin e recibo di coriente cu lo mester paga ora cu e periodo aki termina. Pa loke ta e luznan, esakinan lo ta cendi tur dia di 7’or pa 11’or di anochi den siman, y den fin di siman e lo keda cendi un ora mas te 12’or. E luznan ta traha riba timer, y ta keda cendi te dia 5 di januari 2018.

  • Powered by SETAR