Opinion: Comentario di abogado di mayornan di Baby Lunah

Opinion: Comentario di abogado di mayornan di Baby Lunah

Posted on 11/29/2017 10:11 pm AST | Updated on 11/30/2017 7:25 am AST

E abogado di Lunah y di Lunah su mayornan, mr. Darin Crouch di e bufete di abogado Ecury | Crouch, a duna e siguiente comentario: “Nos bufete ta sumamente contento cu e decision cu hues a tuma awe mainta den e caso di Baby Lunah.

Aunke e ta un decision tuma den un caso di voorlopige voorziening, nos ta spera cu e decision aki lo duna Baby Lunah y su mayornan un tiki di trankilidad y speransa.

Nos ta di opinion cu ningun mayor of persona merece pasa den un situacion difícil asina. Tambe nos ta spera awor cu AZV tuma e decision di hues aki den consideracion na momento cu ta trata e salud di un persona. AZV mester actua semper segun e beniestar di un pashent.

Nos bufete kier a reconoce tambe e contribucion di e abogado mr. E. Lotter Homan den e caso aki. Tambe nos ta reconoce e tremendo trabou di nos colega Zamira Paesch kende tabata juridisch medewerker den e caso aki. Nos bufete ta desea tur cos bon pa Baby Lunah, deseando cu su operacion ta uno exitoso y cu pronto Baby Lunah ta bek na Aruba.”

  • Opinion: Mi yui Po Sing Fan ta innocente

    Opinion:  Mi yui Po Sing Fan ta innocente

    Apreciabel sr Redactor. Na prome lugar mi ta grandicibo pa e espacio pa mi como mama di mi yui, Po Sing, por expresa mi mes tocante e caso di mi yui. Cu awa na wowo y un dolor inmenso mi a scucha con Juez den e caso di wayaca a sentencia mi yui na 20 anja di castigo di prizon. Ami como mama di mi yui sa cu mi yui ta innocente di tur e acusacion nan menciona. Na e inicio di e investigacion hopi cos a bai robez y mi ta di opinion cu esnan envolvi a busca y hasi envistigacion robez. No ta pasobra mi yui a duna Echabardo un lift y buske bek e mester tabata sa di e suceso aki. Pasobra ta hopi biaha mi yui sa duna Echebardo un lift y hopi otro hende mas hende den su bida. Esaki tabata algo comun pa mi yui. No ta paso mi yui a huur un auto pa Echebardo, kiermen cu mi yui tabata sa kiko e persona aki tabata di bai hasi pa cu e caso aki. Es mas e sa huur auto varios biaha pa Echebardo den pasado y sa huur pa otro hende tambe. Mi yui ta un persona cu semper a saka un man pa juda hende ora e por. Mi ta sinti cu husticia di Aruba cu tur respet, a faya y kier culpa mi yui pa sconde e berdad mes. Sra Juez, bin splica ami y mi famia, con por ta posibel cu mi yui tin tur cos den su bida, su mesun negoshi, su mesun plaka, su dos cas nan y mucho mas, kiko lo tabata su motibo pa laga comete un atraco sabiendo cu e tin tur cos y no falta nada. Nos por a scucha den corte con Echebardo a tilda e yui di e defunto y ningun musca a bula. Asina tin hopi cos bisa den corte cu no a sali den prensa y tambe cu no ta cuadra cu e realidad. Nos ta di opinion cu Sra Juez a wordu mal informa door di autoridadnan y e Fiscal concerni. Lamentablemente Echebardo a compromete su mes pa no a papia e berdad den corte. Por ultimo mi kier a remarka cu tin un diferencia grandi entre mi yui y e otro nan. Mi yui semper ta responsabel riba su mes y nunca a depende di su mama of tata. Pero e otro nan si. Nunca nos a laga sa cu nos no ta confia nos yui cu plaka. Por lo pronto te aki nan. Famia Fan.

  • Opinion: PA INTERES GENERAL!?

    Opinion: PA INTERES GENERAL!?

    pa Armand Hessels

  • Opinion: UN RST AUTONOMO?!

    Opinion: UN RST AUTONOMO?!

    Pa Armand Hessels

  • Opinion: Humilde

    Opinion: Humilde

    (PA ARMAND HESSELS)

  • Opinion: Secuencia robes

    Opinion: Secuencia robes

    SECUENCIA ROBES pa Armand Hessels

  • Opinion :Con a para cu e Proyecto di Isla di Oro

    Opinion :Con a para cu e Proyecto di Isla di Oro

    Skirbi pa Clyde Harms

  • Powered by SETAR