Plasterk: Pa 3 di October Mike Eman mester tin presupuesto cla

DEN HAAG – Pa 3 di october proximo, gobierno di Aruba mester comberti e conclusionnan di e rapport di CFT den medida y traduci esaki na e presupuesto di 2014. Mes momento Eman mester busca y tin e solucion pa e problema di e presupuesto di Aruba, balido pa mas aña.

Esaki e minister hulandes Ronald Plasterk ta participa den un carta dialuna (lesa e carta aki) , a base di e peticion di Tweede Kamer pa prome cu e reunion general di 25 di september proximo, nan ta informa di e situacion financiero di gobierno di pais Aruba.

E minister ta repasa e proceso cu a tuma lugar recientemente, refiriendo na e entrega di e rapport final di e secretariado di College Financieel Toezicht na gobernador di Aruba dia 12 di september ultimo. Gobernador na su turno a ofrece esaki na minister di finanzas di Aruba y conseho di minister di Reino.

Gobierno di Aruba tin te dia 3 di october (tres siman for di e fecha di 12 di september ultimo) pa implementa e cambionan y presenta esaki na Raad van Advies. E rapport di CFT lo wordo inclui eynan. Unabes cu e cambio di presupuesto keda presenta na parlamento di Aruba, e rapport final di CFT lo keda publica.