Banderanan halfstok pa morto di e dos criaturanan

ORANJESTAD – Bestuurskantoor y gabinete di Gobernador tabatin bandera halfstok awe merdia. Motibo oficialmente ta morto di e dos criaturanan cu Aruba a keda confronta cune e ultimo tres dianan aki.Aruba ta di luto. Despues di e noticia horible cu a keda confirma merdia cu e criatura di 3 aña, ruman di esun cu diabierna a fayece, tambe ta morto, esaki a los un rabia, disgusto y tristeza den comunidad. Awe tardi pues a nota cu banderanan di oficina di gobierno, y di gabinete di gobernador ta halfstok. Esaki a keda confirma pa ambos departamento cu nan ta na luto pa loke ta e caso tristo di diabierna y awe, aunke cu ningun decreto oficial a keda emiti. Canal 90 tambe a cancela su programanan alegre di e.o. Sinterklaas awe tardi debi na e noticia tristo aki. Riba red social pueblo ta hopi tristo, den shock y rabia alavez pa e loke a sosode. No ta conoci exactamente kico lo pasa awor pa loke ta e resto di siman, ya cu a pidi pa tene un dia di luto pa e dos criaturanan, y pa pueblo acudi na e entierro. Pero no tin nada oficial ainda riba e parti aki.