Croes: Mester caba cu e taboo riba tema di violencia domestico

ORANJESTAD – “Lets act now!” tabata e mensahe di minister di asuntonan social Glenbert Croes awe mainta durante e congreso cu a cuminsa awe mainta di Fundacion Hende Muher den Dificultad, riba violencia contra hende muher. Segun e mandatario, nos tin e miho hendenan na Aruba riba e tereno aki social problematico. E ta un tema bieu, pero aworaki tin cu caba cu e taboo aki segun e mandatario. “Nos ta den un crisis nacional y nos tin cu actua awor” Croes a sigui bisa.

PROBECHA

Segun Croes, tur e instancianan aki tin cu probecha cu tin un gobierno 11 dia fresco, y tin cu bati na e porta y grita y pidi ayudo. “Tambe nos tin cu probecha cu nos tin un prome minister hende muher, y nos tin e curazon na e lugar corecto”. E hecho cu no tin un presupuesto cla ainda, ta yuda cu por busca placa awor pa netamente e tema aki segun Croes. “Nos mester re-orienta con e fondonan di gobierno ta bay, inverti den loke ta importante y violencia domestico ta un di nan”.

TABOO

E pos a wordo habri di e crimen grave aki. Ta importante pa hendenan sigui papia, sali di e escondite. Denuncia e noticia, segun Croes pa evita cu e casonan aki keda taboo.