OM: Curpa di criatura Roshandrick Frans localiza awe mainta

ORANJESTAD – E curpa di e criatura di 3 aña Roshandrick Frans a keda localiza. Fiscal nobo Hans Kramer a confirma e noticia tristo cu hopi a spera di no tende aki. Tabata ayera nochi cu e padrastro a haci un declaracion indicando unda cu e criatura tabata ‘scondi’. Awe mainta a haci un investigacion y a bay e localidad cu a padrastro a indica na Savaneta, y lamentablemente enberdad a haya e curpa di e criatura. E padrastro mientrastanto a admiti cu e tabata envolvi den morto di ambos criatura. Mucho mas no a bisa debi cu e investigacion ta canando. Preguntanan manera con a haya e mucha, si esaki tabata dera, cuanto tempo e mucha tabata morto. Ningun di e preguntanan por a haya contesta, pasobra fiscal Kramer a insisti cu ta trata di un investigacion andando.

BUSKEDA

Ta for di siman pasa diabierna tabatin un buskeda tanto di autoridad como marina real pa localisa e curpa di e criatura di 3 aña, despues cu a bira conoci cu su ruman homber poco mas grandi di 5 aña, a bin fayece a consecuencia di e heridanan cu el a ricibi, tambe di e mesun padrastro.