Minister Besaril a invita famia di Mitch Henriquez pa topa cu nan

Minister Besaril a invita famia di Mitch Henriquez pa topa cu nan

Posted on 11/27/2017 4:51 pm AST | Updated on 11/27/2017 4:52 pm AST

DEN HAAG  – Minister Plenipotenciario Guillfred Besaril a habri porta di Cas di Aruba pa ricibi famia di Mitch Henriquez, entre nan mama di Mitch, Maria Henriquez y ruman muher di Mitch Lila Henriquez. E famia pa e ultimo dos siman tabata na Hulanda pa sigui e caso den corte contra e dos agentenan policial sospechoso di e morto di Mitch Henriquez durante di e aresto di Mitch dos aña pasa na final di un Festival den Zuiderpark na Den Haag.

E mandatario a cuminsa bisa cu Cas di Aruba tambe ta nan cas. Durante di e combersacion e famia expresa na Sr. Besaril nan disgusto den husticia Hulandes, den cual no tin un papel clave pa e parientenan di e difunto. Tambe e famia a bisa di ta biba cu un sentimento grandi di impotencia pa bringa e caso aki. Sigur cu na e momento cu e veredicto lo ta na fabor di e dos polisnan, ta dificil pa haci apelacion pa motibonan financiero.

E famia a haci un yamada na parlamento y Gobierno di Aruba pa nan para duro tras di un yiu di tera. Pa haci pregunta na Tweede Kamer y asina keda pone presion riba e caso aki. Minister Besaril a bisa di a scucha bon y a haya un bon bista di e situacion den cual e famia ta pasando den dje y cu e tension cu ta reina bou di e famia pa cu e veredicto dia 21 di december. E mandatario lo vocifera nan preocupacion nan na parlamento y Gobierno di Aruba. Potret ta cortesia di Cas di Aruba

 

  • Blok: Hulanda no ta reconoce eleccion presidencial di Venezuela

    Blok: Hulanda no ta reconoce eleccion presidencial di Venezuela

    DEN HAAG – Hulanda no a ta considera e ultimo eleccion presidencial di Venezuela, como liber y independiente. Esey ta nifica cu de hecho Hulanda no ta reconoce e eleccion di Hulanda. Minister Hulandes di relacion exterior Stef Blok a duna su comentario den Tweede Kamer diamars. Mes momento Union Europeo ta mustra cu e eleccion no a bay segun standard internacional. “E eleccion debi na su cantidad abou di votadornan, no ta credible”, Frederica Mogherini a declara.

  • Hulanda no ta revoca decision pa reconoce consul Venezolano nobo pa Aruba

    Hulanda no ta revoca decision pa reconoce consul Venezolano nobo pa Aruba

    DEN HAAG – E consul general nobo di Venezuela apunta pa Aruba Carlos Mata Figueroa ta keda vigente. “Mi no ta mira motibo pa revoca mi decision (pa reconoce e consul Mata Figueroa)” Stef Blok, minister Hulandes pa relacionnan Exterior a contesta dos parlamentario Hulandes Raymond de Roon y Machiel de Graaf (ambos PVV) awe. Tabata den un carta recien cu dos parlamentarionan menciona, a cuestiona e reconocemento di gobierno di Reino Hulandes pa Mata Figueroa bira e proximo consul di Venezuela na Aruba debi na supuesto lasonan criminal. Un corant Hulandes a tilda e persona te hasta di ta un baron di droga. Basa riba informacion ey, e preguntanan a keda manda na e mandatario Hulandes.

  • Wever den NRC: Postura Hulanda vs migracion Venezolano ta indiferente y irritante

    Wever den NRC: Postura Hulanda vs migracion Venezolano ta indiferente y irritante

    DEN HAAG/ORANJESTAD – Prome minister di Aruba Evelyn Wever Croes ta haya e postura di Hulanda relaciona cu e migracion Venezolano pa islanan ABC ‘indiferente y irritante’. Asina e corant Hulandes NRC Handelsblad ta cita un combersacion cu e prome mandatario di Aruba den su edicion di diabierna. Segun Wever a declara na e corant, Aruba no mester conta cu ayudo di Hulanda pa cu refugio di e Venezolanonan. “Hulanda no kier yuda nos cu esaki. Tur cos tin un prijs. Solamente di e ministerio di defensa nos ta haya ayudo logistico” Wever a sigui bisa. Segun e corant, e prome mandatario ta tene cuenta cu un influx massal di Venezolano (pa Aruba) despues di e eleccion.

  • Parlamentarionan Hulandes ta cuestiona nombracion Consul Venezolano nobo pa Aruba

    Parlamentarionan Hulandes ta cuestiona nombracion Consul Venezolano nobo pa Aruba

    DEN HAAG – Parlamentarionan Hulandes ta cuestiona nombracion di e consul Venezolano nobo Carlos Figueroa pa Aruba. E miembronan di Tweede Kamer Raymond de Roon y Machiel de Graaf (ambos PVV) a manda un serie di pregunta na minister Hulandes di relacionnan exterior Stef Blok riba e tema, refiriendo na un articulo den un corant Hulandes cu ta referi na e proximo consul como un baron di droga.

  • Regiezitting na october pa determina fecha apelacion caso Mitch Henriquez

    Regiezitting na october pa determina fecha apelacion caso Mitch Henriquez

    DEN HAAG – E proximo paso pa bringa e caso di e Arubiano Mitch Henriquez (EFM) lo ta sea october of november di e aña aki. Ruman muher di Henriquez, Lila a informa cu pa e tempo ey e caso di apelacion lo mester cuminsa pero cu un ‘regiezitting’. Manera ta conoci, e caso pa sentencia e polisnan culpabel di e morto di Henriquez, a tuma lugar mas tempran e aña aki y e famia di Henriquez no a keda contento cu e sentencia y a apela esaki.

  • Reino Hulandes ta recorda esnan cu a fayece di dos guera mundial

    Reino Hulandes ta recorda esnan cu a fayece di dos guera mundial

    AMSTERDAM – Awe den Reino Hulandes ta dia cu ta conmemora tur esnan cu a fayece den di dos guera mundial. E conmemoracion nacional lo sosode awe riba Dam na Amsterdam, unda cu Rey Willem Alexander, Reina Maxima y prome minister Mark Rutte lo atende. Aruba su minister plenipotenciario Guilfred Besaril tambe lo ta presente, mescos cu e ministernan plenipotenciario di Corsou Eunice Eisden y di St Maarten Hasani Ellis. Lo tin discurso y despues 2 minuut di silencio. Na Aruba lo tin un ceremonia pa 5:30 na Adriaan Lacle Boulevard. NOTA; E potret ta dia aña 2014. 

  • Powered by SETAR