Gobierno cu apelacion pa yuda resolve caso ‘Eugene’

ORANJESTAD - Den nomber di Gobierno di Aruba, cu comunicacion estrecho cu Prome Minister di Aruba sra. Evelyn Wever - Croes cu continuamente ta den contacto tambe cu e circumstancianan di e investigacionnan,  Minister Otmar Oduber hunto cu Minister Andin Bikker y Vocero di Polis sr. Lito Lacle, a tene conferencia di prensa pa anuncia ultimo desaroyonan den e caso ‘Eugene’. E caso aki a shock comunidad di Aruba y ketobay tin henter comunidad preocupa y cu angustia pa sa e paradero di e ruman homber chikito ‘Eugene’.Kier sigura cu e investigacion y buskeda no a para, pues tur hende cu tin informacion cu por yuda den e caso aki pa tuma contacto cu autoridad. Cualkier informacion sin importa con chikito esaki por ta por yuda pa localisa e hobencito aki. Tur informacion cu drenta ta wordo acumula pa por continua cu e investigacion cu e datonan aki. Comandante di Marina a confirma tambe cu nan lo sigui yuda nos cuerpo den e proximo 24 oranan tambe. E combinacion di experticionan ta hopi importante pa yuda resolve e caso aki y haya e hobencito ‘Eugene’ y trankilisa tur hende cu ta preocupa na e momentonan aki.Pa loke ta e deber di cada instancia pa haci traspaso di informacion y sincronisacion di informacion di casonan cu otro, a palabra cu cada Minister lo haci investigacion necesario den nan Ministerio. Consecuentemente lo palabra kico lo bira e cadena y secuencia cu informacion lo mester wordo traspasa for di un departamento pa otro cu ta traha cu otro na momento cu un denuncia wordo haci.