Fundacion Hende Muher den Difilcultad a tene marcha contra violencia

ORANJESTAD -  Diabierna anochi e caminata organisa pa Fundacion Hende Muher den Difilcultad a tuma lugar, pa asina brinda sosten na e trabou noble y importante di e fundacion. E meta di e caminata ta pa contribui na e concientisacion den comunidad cu violencia no ta algo cu ta parti di nos cultura y pues no mester wordo tolera. Minister Xiomara Ruiz a atende e evento. Ruiz a mustra entre otro cu violencia domestico ta algo cu por toca nos tur y pesey ta importante pa por papia riba esaki y busca yudansa.Pa tur problema tin solucion, ta curashi mester pa atende cu ne y busca yudansa pa yega na un solucion.