Bloomberg: Trahadornan PDVSA ordena pa reduci gasto y costo cu 50%

CARACAS – E compania petrolero Venezolano PDVSA a bisa su empleadonan pa baha costo y gasto cu 50% , den un intento di austeridad pa refleha e crisis economico amplio, cu ta afectando e pais. Asina e agencia di noticia financiero Bloomberg ta raporta. PDVSA a yama varios unidad, subsidiario, joint ventures y staff pa tene nan mes na un lista largo di reforma cu ta traduci den corto den gasto, como parti di e ‘emergencia nacional economico’, sin afecta e produccion di crudo diario, segun un memo pa empleado, cu e agencia di noticia Bloomberg tin den su poder.

PARTNERS

E partnernan mester entrega plannan financiero, y proyectonan cu no tin financiamento mester wordo para, y entrenamento pafo di Venezuela lo sosode solamente si ta estrictamente necesario. Ademas biahenan internacional, incluyendo uso di e avionnan di PDVSA mester wordo reduci na un minimo. Y lo uza mas video conference pa corta gasto di trece trahadornan cara cara.

MADURO

Segun informacion cu Bloomberg tin, esaki ta un otro intento di presidente Venezolano Maduro pa controla un crisis marca pa prijs abou di petroleo, y e rechazo pa implementa medida pa coregi e imbalance.