Oduber: Damnan nobo pa evita acumulacion di awa y digitalisa Kadaster

ORANJESTAD - “Ideanan cu di trempan a biba den mi, ta encera ideanan di damnan nobo cu por wordo crea pa por gara e awa aki y evita cu tur e acumulacion di awa ta bay cay den e areanan cu semper ta haya problema. A papia riba diferente otro maneho nobo pa loke ta permiso di construccion y construccion di casnan na Aruba. Esaki ta bay encera cambionan cu nos ta bay traha riba nan rapidamente, pasobra esaki ta prioridad di e gobierno aki.” Asian e mandatario nobo encarga cu DOW, Otmar Oduber a bisa durante su bishita na e departamento aki.

KADASTER

Kadaster lo conoce modernizacion. Asina e mandatario cu tambe ta encarga cu e departamento aki, a declara e siman aki durante su bishita na e departamento ey. Director di Kadaster tin e encargo aworaki pa digitalisa e parti aki, cual ta un proceso cu ya nan tabata bezig cu ne, pero cual nunca a formaliza. E Meta ta pa fin di aña aki saca un ‘bestek’ pa pone henter Aruba digital. E ta un proyecto sumamente ambicioso unda cu ta digitalisa henter Aruba na un manera hopi profesional.