Arends: Dos aña prome cu por transferi placa entre banco den 'real time'

Arends: Dos aña prome cu por transferi placa entre banco den 'real time'

Posted on 11/21/2017 11:14 am AST | Updated on 11/21/2017 9:41 pm AST

ORANJESTAD - Lo dura por lo menos 2 pa 3 aña ainda prome cu banconan na Aruba por tin e sistema electronico instala y operando pa un cliente por experencia transferencia di placa entre dos diferente banco, den 'real time', osea instantaneo. Asina Richard Arends a bisa NoticiaCla den su ultimo entrevista como minister di Economia recientemente. E proceso ta canando, pero no ta cla ainda pa por implementa e sistema manera cu tin otro parti di mundo. Banco Central ta liderando e proceso di cambio, sostene pa gobierno y banconan comercial local. 

PLATAFORMA

Segun Arends, Banco Central den su afan pa lidera riba e tereno, a presenta su 'roadmap' na comienso di e luna aki unda cu e ta establece kico tur ta bin. Y aki Arends e tempo ey den representacion di gobierno, a uni pa asina sa kico tur ta pasando pa gobierno 'no keda atras'. E sistema actual ta 'anticua' unda cu tin 5 banco cu ta dicidi con largo nan transferencia ta dura y cuanto nan por cobra pa esey ya cu no tin regulacion riba esey. Algo cu segun Arends, tin cu cambia. Awe, un transferencia di placa entre dos diferente banco, por dura entre 2 pa 3 dia y por varia den gasto. Esaki siendo cu otro caminda di mundo, na Hulanda por ehempel, esaki ta sosode den 'real time', osea manera cu bo haci e transferencia, e ta riba e otro cuenta di banco, den forma instantaneo. 

TEMPO

Mirando con leu ta aworaki y kico ta tumando lugar, Arends a bisa e portal aki cu lo dura por lo menos entre 2 pa 3 aña prome cu e proceso ta completa, completo cu regulacion di Banco Central, y banconan a configura nan sistema di tal forma cu tin un solo sistema bancario cu por atende cu e transferencianan. Banconan, segun Arends, ta hopi receptivo pa e idea. De hecho, Arends a menciona. 

PAYPAL

Pa loke ta e sistema di Paypall, contrario na informacion ricibi di e vice presidente di Asociacion di bankero na Aruba Pierre Rafini, e problema no ta cu e regulacion y plataforma no ta cla, sino cu e mercado di Aruba ta mucho chikito pa Paypall. Esey ta e unico problema, ya cu Paypal ta mucho grandi pa Aruba. Nada di haber cu regulacion. Mes momento Arends a sigura cu Banco Central ta buscando alternativa cu ta funciona mes bon y cu otronan ta uzando caba, cu por funciona manera 'PayPal'.  

 

  • DIMP: BAZV ta conoce cambio entrante 1 di juli

    DIMP: BAZV ta conoce cambio entrante 1 di juli

    ORANJESTAD – Departamento di Impuesto a informa den un comunicado cu entrante 1 di juli 2018, tin algun cambio den e ley di BAZV. Siguientemente ta sigui un splicacion cortico relaciona cu algun di e cambionan pa cu BAZV.

  • Aruba Banki cu opcion di self service nobo di e-Appointment 24/7/365

    Aruba Banki cu opcion di self service nobo di e-Appointment 24/7/365

    ORANJESTAD - Pa yuda bo spaar tempo, Aruba Bank ta introduci e opcion di self-service nobo, e-Appointment. Awor tur persona cu mester bishita un di e sucursalnan di Aruba Bank tin tempo pa planea su bishita ora ta cumbini’e y por scoge e sitio cu e ta prefera, for di e comodidad di su cas of oficina. E opcion online ta disponibel uzando cualkier computer, tablet of Smartphone. Pa haci un cita sigui tres (3) stap simpel:

  • Diaranson Departamento di Impuesto diaranson ta habri mainta solamente

    Diaranson Departamento di Impuesto diaranson ta habri mainta solamente

    ORANJESTAD – Departamento di Impuesto ta participa cu su horario di servicio na publico lo ta diferente diaranson, dia 20 di juni 2018. Tur oficina den distrito y e oficina principal na Camacuri lo ta habri te cu 11:30 di mainta. Parti atardi lo ta cera, debi na un training interno pa e personal. Esaki ta conta tanto pa e seccion di Servicio di caha como e seccion di Servicio na cliente.

  • Ridderstap: Cu Lotto online, a bin un grupo nobo acerca cu ta cumpra lotto

    Ridderstap: Cu Lotto online, a bin un grupo nobo acerca cu ta cumpra lotto

    ORANJESTAD – Un siman despues cu Lotto a introduci e posibilidad pa cumpra lotto ‘online’, e persona responsabel pa mercadeo y publicidad Damaris Ridderstap ta contento. Segun Ridderstap, e prome reaccionnan tabata hopi positivo. Mes momento e ta conciente si cu ta hopi tempran pa tin un bon bista di e impacto. Lo dura por lo menos 2 luna prome cu nan por bisa berdaderamente kico e impacto tabata, pa midi con grandi e impacto tabata. Pero e mercado nobo a nace y ta creciendo.

  • Desaroyadornan Isla di Oro posiblemente interesa den otro sitio

    Desaroyadornan Isla di Oro posiblemente interesa den otro sitio

    ORANJESTAD – E hecho cu e proyecto hotelero na Isla di Oro no ta sigui mas (gobierno a nenga permiso oficialmente siman pasa), no ta kita cu e ta keda un proyecto interesante pa pais Aruba. “Ademas e no ta kita cu e proyecto aki, manera cu e desaroyadornan a tuma contacto, lo ta interesa pa mira un otro posibilidad pa loke ta trata localidad pa por desaroya un tipo di proyecto asina”. Asina minister di infrastructura Otmar Oduber a bisa dialuna mainta durante un conferencia di prensa. E desaroyadornan mes, no a reacciona ainda riba peticion di e portal aki. 

  • BCA: Entrante 2019 banconan por procesa pagonan instantaneo cu otro online

    BCA: Entrante 2019 banconan por procesa pagonan instantaneo cu otro online

    ORANJESTAD – Entrante 2019, banconan na Aruba por procesa tur pago na florin entre banco inmediatamente, estilo real time. Asina Banco Central di Aruba (BCA) a anuncia diabierna. Esaki ta posibel awor cu BCA a asocia su mes cu EquensWorldline pa lansa e sistema di pago instantaneo na Aruba. EquensWorldline SE ta e lider Europeo den e industria di pago y servicionan di transaccion, pa suministra un infrastructura nobo y central pa sistema di pago instantaneo, y lo reemplaza e sistema actual di “clearing & settlement” di BCA entrante januari 2019.

  • Powered by SETAR