Hilton Aruba Caribbean Resort & Casino lo ofrece Buffet di Thanksgiving

Posted on 11/19/2017 7:58 pm AST | Updated on 11/19/2017 8:00 pm AST

Palm Beach – E ekipo culinario di Hilton Aruba Caribbean Resort & Casino ta preparando un berdadero fiesta culinario di Thanksgiving, cual lo tuma luga den e Grand Caribbean Ballroom riba Dia di Thanksgiving, diahuebs, 23 di November, 2017, di 5’or pa 8’or di anochi.

E buffet di cena lo wordo sirbi den un ambiente casual estilo familiar, cu un cantidad grandi di plato delicioso, tur igualmente delicioso y atractivo!E menu extensivo lo cuminsa riba un bon pia, cu un Stacion di Sopi ofreciendo Crema di Pampuna, sirbi cu Croutons, Sour Cream y Bacon Bits, y Stacion di Salada cu Mixed Greens, Tomati, Basil, Komkomber & Salada di Awacati, Salada di Batata Dushi y Rasenchi, Salada di Quinoa cu Squash Horna, Cranberries Seca y Pecans, Salada di Red Beet Horna cu Segmento di Mandarina, Salada di Cranberry Waldorf, Peel & Eat Shrimp cu Cocktail Sauce & Lamunchi, y Crudité di Berdura. E Stacion di Carni lo ofrece un Calacuna Horna cu Stuffing Tradicional, Gravy y Compota di Cranberry, mientras cu Platonan Principal lo inclui Beef Tenderloin Horna cu un Saus di Binja Cora, Ham Horna lentamente cu Kumquats Stoba, Salmou Horna cu Dill y Venkel, Galinja prepara riba grill cu Herbs y Mushroom y un cantidad di plato acompanjante incluyendo Honey Roasted Winter Berdura, Balsamic Roasted Brussels Sprouts cu Bacon Bits, Stir-fried Wild Rice y Batata Machica cu Konoflok. Un stacion di pasta lo ta sirbiendo Tortellini di Pampuna of Linguini traha segun pedido. Y no por keda sin menciona e Stacion di Pasaboca, cual lo inclui Pie di Pampuna, Cranberry Cheesecake, Pecan Pie, Mousse di Chuculati, Upside Down Orange Cranberry Cake y Spiced Apple Pie.Entretenimento en bibo lo entretene bishitantenan, mientras cu esnan interesa den wak e wega di futbol di NFL lo por haci esaki, danki na un pantaya grandi cu lo transmiti e wega.E prijs pa adulto ta $49.- p.p.; mucha di 6 pa 12 ta paga $26.-, plus BBO y service charge.Pa reservacion, email Marvinia.Richardson@hilton.com, of yama Tel.: 526 6607.

  • Powered by SETAR