Jackpot di “Mega Plus” a bira 500 mil florin

(ADVERTORIAL)

ORANJESTAD - E jackpot di Mega Plus, cual bo por gana solamente ora “upgrade” bo ticket di Mini Mega agregando 2 florin, a keda aden diamars. Esaki kiermen cu pa awe e jackpot di Mini Mega a subi na 380.000 florin, mientras hunto cu Mega Plus e jackpot total ta bira 500.000 florin. Pa bo gana e tremendo suma aki ta facil. Djis cumpra bo ticket(nan) di Mega Plus y bo tin chens di bira e feliz ganado(ra) di mey miyon florin. Mirando cu ta casi fin di aña, sigur e premio aki lo ta hopi bon bini cerca un feliz ganado(ra).

Mini Mega ta un wega masha facil pa hunga: kies 4 number entre 1 y 30, agrega e Mega Ball, cual ta un number entre 1 y 15. E ticket di Mini Mega ta costa 5 florin so y cu 2 florin extra bo por haci bo ticket un di Mega Plus. Bo por traha un combinacion di bo numbernan vast of numbernan loco. Cu e combinacion aki bo por haci bo soñonan un realidad prome cu fin di aña, ora bo gana mey miyon florin di Mini Mega cu su Mega Plus awe nochi.