CDC: Aruba ainda entre paisnan den Caribe riba lista di riesgo pa Zika

CDC: Aruba ainda entre paisnan den Caribe riba lista di riesgo pa Zika

Posted on 11/16/2017 10:25 am AST | Updated on 11/16/2017 10:31 am AST

MIAMI – Aruba ta riba lista di paisnan den Caribe cu tin riesgo pa e malesa di Zika. Asina e centro Mericano pa control di malesa (CDC) ta bisa. A alerta damanan na estado pa evita islanan afecta pa horcan manera Anguilla, Antigua and Barbuda, Bahamas, the British Virgin Islands, Cuba, Dominica, Republica Dominicano , Guadeloupe, Haiti, Martinique, Puerto Rico, Saint Barthelemy, Sint Maarten, Turks and Caicos y US Virgin Islands pa motibo di e malesa basa riba muskita manera Zika, Dengue, y Chikungunya.

E alerta ta bin mientras cu CDC ta urgi Mericanonan pa postpone biahe pa areanan severamente afecta pa horcan debi na menasa serio di salud y risico di seguridad cu por ta presente, mientras cu ayudo medico ta limita of no disponibel mes.

E agencia a bisa cu awa potable contgamina y acceso limita pa awa ‘safe’, cuminda y shelter den cierto area, por crea condicionan pa brote di e malesanan manera Zika, leptospirosis, dengue, hepatitis a, typhoid, vibriosis, y influenza.

Anguilla; Antigua and Barbuda; Aruba; The Bahamas; Barbados; Bonaire; British Virgin Islands; Cuba; Curaçao; Dominica; Dominican Republic; Grenada; Haiti; Jamaica; Montserrat; the Commonwealth of Puerto Rico, a US territory; Saba; Saint Kitts and Nevis; Saint Lucia; Saint Martin; Saint Vincent and the Grenadines; Sint Eustatius; Sint Maarten; Trinidad and Tobago; Turks and Caicos Islands; US Virgin Islands tur ta keda riba lista di CDC su lista di area di risico pa Zika den Caribe segun e portal News Americas.

  • Canada, e dos pais na mundo pa legaliza uso recreacional di marijuana

    Canada, e dos pais na mundo pa legaliza uso recreacional di marijuana

    TORONTO – Canada a bira e di dos pais na mundo cu ta legaliza e uso recreacional di marijuana. E ley a pasa diamars y ta drenta na vigor na September proximo. E pais a criminalisa e droga na 1923 pero na 2001 a aproba marijuana medicinal. E ley ta permiti gobierno federal pa licencia productornan di e droga y regula con nan ta cultive, bende y distribui marijuana. Segun e ley, adultonan riba 18 aña por tin un ons di marijuana den nan poder pa uso recreacional y cultiva 4 mata di e droga. Pues awor banda di Uruguay, Canada ta bira e di dos pais cu tin e uso di e droga legal pa finnan recreacional, mientras cu na Merca tin 9 estado cu tambe a legaliza esaki.

  • Islanan Caribense man na cabez pa crisis migratorio Venezolano

    Islanan Caribense man na cabez pa crisis migratorio Venezolano

    ORANJESTAD – Islanan den Caribe ta man na cabez pa loke ta e situacion di Venezuela. Asina un raportahe di e portal ‘political insights’ ta bisa, refiriendo na e organisacion CARICOM indicando cu e no ta ekipa pa atende cu e problema di refugiado Venezolano. Aki e ta relata cifranan di Venezolanonan den Caribe, incluyendo Aruba y ta haci mencion cu Aruba tin 20 mil Venezolano. Algun tempo atras, inoficialmente NoticiaCla a compronde cu e cifra aki a keda disputa pa autoridad Venezolano. “E cifra no ta berdad” un fuente cerca di e instancia a sigura e portal aki. Oficialmente tin hopi menos Venezolano riba nos isla. Durante e ultimo eleccion presidencial Venezolano, e grupo oficial registra pa vota, tabata menos cu 1500. Pues e cifra exacto di cuanto Venezolano tin na Aruba, ta keda un duda.

  • Venezuela y islanan ABC mas cerca di otro despues di ultimo reunion

    Venezuela y islanan ABC mas cerca di otro despues di ultimo reunion

    VALENCIA – Durante e di dos reunion tecnico billateral dialuna entre Venezuela y islanan ABC (Aruba, Bonaire y Corsou), Aruba a expresa cu nan ta wardando noticia di operacionan di Venezuela pa loke ta e tramites necesario pa garantisa cu tur cos cu sali di Venezuela ta ok. Notable durante e reunion ta cu tur partido tin nan interes cu nan kier presenta y tabata cuestion di atende cada uno y mira cua ta factibel y cua no. Esaki ta encera tambe interesnan cu p.e. Venezuela kier a mira realisa. Di otro banda e islanan ABC tambe a duna nan input, pero mas pa haya pues, informacion concreto riba documentacion for di Venezuela. Algo cu Aruba tabata warda basta tempo sin por haya. 

  • Huez na Merca a aproba fusion entre AT&T y Time Warner

    Huez na Merca a aproba fusion entre AT&T y Time Warner

    WASHINGTON – Un huez Mericano a aproba e fusion di e dog gigantenan di telecomunicacion AT&T y Tie Warner diamars, rechasando e argumento di gobierno Mericano cu e lo por afecta e cliente di cable y su competencia. E huez Richard Leon a anuncia su decision den e caso mas grandi ‘antimonopolistico’ den hopi aña. Departamento di husticia Mericano a demanda e fusion di 85 biyon dollar, pero awor a perde e caso aki. E gigantenan di telefon y cable tv, awor tin permiso pa absorba e doñonan di CNN, HBO, Warner Bros y otro. E problema ta cu e ta duna mucho poder na un grupito chikito cu ta maneha practicamente tur telecomunicacion Mericano.

  • Donald Trump y Kim Jong Un a topa den encuentro historico

    Donald Trump y Kim Jong Un a topa den encuentro historico

    SINGAPORE — Presidente Mericano Donald Trump y dictador di Nort Korea Kim Jong Un a duna otro man diamars mainta (ora di Singapore), un encuentro historico entre e dos lideranan di e paisnan, habriendo asina e prome cumbre cu por resulta den Nort Korea entregando su programa nuclear.

  • Reunion tecnico entre islanan ABC y Venezuela a continua awe na Valencia

    Reunion tecnico entre islanan ABC y Venezuela a continua awe na Valencia

    VALENCIA – E reunionnan tecnico entre Venezuela y islanan ABC a continua awe mainta na Valencia, Venezuela, manera cu gobierno a informa siman pasa. E meta di e reunion tabata pa atende e asuntonan tecnico riba materia di douane, unda cu mester solidifica e acuerdonan anterior y percura pa aplica esaki riba nivel nacional. Actualmente e frontera entre Venezuela y Aruba ta habri, pero regional. Ta usando solamente Valencia y Falcon como puntonan di salida di Venezuela (ta ampliando esaki pa e parti aereo caba) riba e parti aereo pero maritimo ta solamente entre Falcon y Aruba (y Bonaire y Corsou). Potret cortesia canciyeria di Venezuela

  • Powered by SETAR