Parlamento ta conoce 7 miembro nobo e siman aki

ORANJESTAD – E Parlamentarionan nobo di Aruba ta huramenta mas sigur e siman aki ainda, y ta trata e ora di 7 Parlamentario ‘nobo’ cu tin cu reemplasa esnan cu ta sali pa bira minister. E nombernan oficialmente no ta duna ainda, pero como cu (cu excepcion di RED) tur ta sali di e respectivo fraccionnan, nan lo ta e promenan di e fraccionnan existente di e coalicion di MEP y POR. RED ta bin cu su vakminister.