Fayo tecnico ta limita servicio na departamento di impuesto awe

ORANJESTAD - Debi na un fayo tecnico, departamento di impuesto a informa cu no ta posibel pa duna tur servicio awemainta. Na e momentonan aki por brinda solamente:

-         Servicio di caha

-         Servicio di entrega of busca documento y/of aangifte

Pa e clientenan di DIMAS cu tin cu stempel documento, esaki no ta posibel awe. Tampoco ta posibel pa haci pago di permiso di DIMAS awe. E tecniconan ta trahando pa soluciona e fayo y ta spera cu mas laat durante dia e situacion normalisa pa asina por reanuda tur servicio na e clientenan. Si ta desea, e clientenan por yama 522 7423 durante dia pa verifica si nan por haya e servicio rekeri. A pidi comprencion pa e situacion aki y ta ofrece nos disculpa pa e inconveniencia cu esaki por a causa.