- Hof a reduci e suma cu ex minister Croes mester paga bek di expropiacion
- Corte na Hulanda a rechasa peticion di dr Braam pa limpia su carchi di castigo
- Gobernador di Los Angeles cu critica riba actuacion laat di polis contra demonstracionan
- Parlamento a ‘schedule’ tratamento di ley matrimonio mesun sexo pa otro siman diabierna!
- Wever-Croes: Parlamentarionan di MEP por vota segun nan consenshi pa ley di matrimonio mesun sexo
Arubahuis: Tin scarsedad di camber pa e studiantenan otro aña na Hulanda
DEN HAAG – Cas di Aruba, cu ta responsabel pa guia di nos studiantenan na Hulanda, ta pone hopi enfasis riba e preparacionnan cu nos hobennan cu ta pensa di bin studia na Hulanda mester haci. Manera e caso di busca un camber. Ya ta november caba y p'esey ta importante cu esun cu pa otro aña kier bin Hulanda, cuminsa busca un camber. Mentor pa e region di Den Haag, Leiden y Delft, Charité Hu-a-ng-Brion, ta duna un splicacion riba e procedura pa aplica pa camber pa studiante.
Segun sra. Hu-a-ng-Brion e demanda pa camber na diferente ciudad ta grandi, mientras cu e cantidad di e cambernan disponibel ta hopi chikito. ‘Inscribi bo mes na diferente website di organisacionnan cu ta maneha camber y cas, manera bo por mira riba e lista aki bou. Tin chens cu nan mes lo tuma contacto cu bo via e-mail. Tin ora bo tin cu paga un suma pa por inscribi na e website,’ asina sra. Hu-a-ng-Brion a bisa.
E studiementor pa Den Haag, Leiden y Delft ta recomenda e studiantenan pa si nan tin famia of conocir na Hulanda, pa esakinan por yuda nan den nan buskeda y pa tambe pone nan anuncio riba Facebook. Charité: ‘Via via bo tin hopi chens di haya algo. Si e posibilidad presenta su mes cu bon tin cu huur un camber prome cu bo yega Hulanda, ta bon pa boso lesa e contract hopi bon prome cu firma esaki. Cualkier cos laga bo mayornan tambe lesa e contracto. Ta esencial pa traha e palabracionnan concreto cu e huurdo.’
Segun Charité ta bon pa busca tambe den vecindario, unda bo ta bay studia. Por ehempel si bo ta bay studia na Den Haag, lo ta bon pa check camber na Rijswijk, Voorburg, Scheveningen, Zoetermeer y Leidscheveen; e lugarnan pega cu Den Haag.
Aki nos ta publica un lista di e website pa busca y inscribi pa haya un camber pa e ciudadnan Leiden, Delft y Den Haag.
www.duwo.nl (inscribi bo mes mas trempan posibel) www.vestingvastgoed.nl ([email protected]) www.woonnethaaglanden.nl http://www.staedion.nl http://www.thestudenthotel.com www.kamernet.nl www.kamertje.nl www.strijkijzer.nl www.opkamers.nl www.kamer.nl www.kamerlink.nl www.sls.nl www.kamerhulp.nl Stadswonen.nl (Rotterdam) www.rotsvast.nl www.vestia.nl
Nota pa redaccion: Potret ta cortesia di Cas di Aruba.
Morto violento di Arubiano Ponson na Hulanda tin varios pregunta ainda
AMSTERDAM – E morto violento di e Arubiano Johnny Ponson (65) na Amsterdam e siman aki ta yen di pregunta ainda. Asina ministerio publico ta raporta. E homber a wordo haya diasabra ultimo morto den su camber den e flat Gravenstein den Bijlmer. “Nos tin hopi pregunta ainda riba e victima y su bida” Folkert van Dekken, cu ta lidera e ekipo di recherche investigando e crimen. “E no tabata sali hopi, pero tabata hopi servicial cu su bisiñanan. E tabata yuda nan cu nan papel di impuesto. E tabata pensiona pero ta yuda hende si. E tabata biba su so, pero tin 3 yiu cu dos muher. Riba e diasabra mainta di e suseso, un conoci di Ponson a sinti algo straño. “E victima a bestel cuminda den siman, pa busca den fin di siman. Pero e no a bin. Un otro amigo tabatin un cita cu ne e diasabra ey. E la bishite diadomingo pero ningun hende a contesta, cu ta straño pasobra semper e tabata na cas. E la alarma polis e ora cu a haya e curpa. Mientras cu Ponson tabatin algun dia morto, no ta conoci ainda cuanto dia.
Air France-KLM ta registra perdida di mas grandi desde crisis di Covid
SCHIPHOL – E aeroliña Air France-KLM a registra su prome perdida di mas grandi desde e crisis di Covid, durante e ultimo cuartal. E aeroliña tin problema cu e tension geopolitico rond mundo, unda cu avionan tin cu bula pa evita cierto paisnan, haciendo e buelo mas largo y mas caro, y tambe cu piesanan di avion ta yega laat. Ademas, e perdida ta tambe ta debi na aumento di gastonan salarial mientras cu e entrada di transporte di carga a laga di desea.
OM: Na Hulanda, homber cu ta liber atrobe, a bolbe tira, djey bay Aruba sin permiso
ROTTERDAM – E homber Kevin R (28) lo a tira atrobe, apenas despues di a recobra su libertad di un caso di asesinato. Segun Ministerio Publico, e la haya un chens, despues di cu e la tira un homber mata. Pero despues e la biaha pa Aruba, contra tur regla. Pero prome cu e la biaha, e tabata envolvi den un episodio di tiramento, cu por a resulta fatal atrobe. Segun R., e la biaha pa Aruba pa entiero di su welo. Pero segun Ministerio Publico tin algo otro su tras.
Presentadornan conoci Hulandes Sophie Hilbrand y Jeroen Pauw ta cuminsa talkshow riba NPO1
HILVERSUM – E presentadornan di television Hulandes Sophie Hilbrand y Jeroen Pauw ta presenta entrante 2 di September proximo un talkshow nobo anochi laat riba e cadena NPO1. PA 8 luna pa aña nan lo presenta e programa 4 biaha pa siman, cu ta reemplasa Ol1. E nomber mes di e programa, lo keda anuncia despues. Pauw a bisa riba su pagina di Facebook cu e ta contento di ta presenta e programa hunto cu Hilbrand. Quizás "talento prometedor" no ta necesariamente un cualificacion pakmi, pero mi ta hopi entusiasma di participa den e programa cu e dama aki” refiriendo na e dama riba e potret di publicidad, di nan dos. . Pauw a reemplasa Khalid Kasem di e programa Khalid & Sophie, despues cu na januari tabatin discusion riba Kasem. E tabata relaciona cu soborno, pero no a wordo haya culpable. Pauw a laga sa anteriormente cu e no kier a presenta programa 5 biaha pa siman mas. Esey ta bira dos anochi awor ora cu e presenta e programa. Potret cortesia N.O.S.
Rutte a logra convence Turkia pa sostene pa e bira hefe di NATO
ANKARA – Turkia a duna su sosten oficialmente pa prome minister Hulandes demisionario Mark Rutte bira e hefe grandi diu NATO. Asina prensa Turko dialuna. E oficina nacional di estado di prensa Anadolu, a confirma e informacion di e sosten. Rutte tabata di bishita personal siman pasa na Turkia, pa papia cu e presidente, buscando e sosten. Turkia su sosten ta un di e ultimonan cu e mester pa sigura e nombracion. Ainda falta 3 pais di NATO pa duna e sosten. Falta Hungria, Slovakia, y Rumenia pa confirma. Pa por bira e secretario general, e mester di un sosten unanime di tur 32 miembro di NATO.
Rey Willem-Alexander y famia a celebra su cumpleaños na Emmen
EMMEN – Diasabra mainta 11’or e famia Real a yega e pueblo di Emmen den e provincia Drenthe, unda cu nan a pasa Dia di Rey e biaha aki. Rey Willem-Alexander, casa Reina Maxima y su tres yiunan, entre nan prinses Amalia, tabata parti di e bishita. Pero e Rey a trece su famia casi completo, excepto su mama prinses Beatrix. Pa algo mas di 2 ora, e famia a disfruta di un programa cu a consisti grandemente di un caminata door di 9 plenchi, pa asina mira e parti bieuw y nobo di Emmen y Drenthe. Un evento cu a costa algo mas di 2.5 miyon euro.
Follow NoticiaCla
