Partidonan MEP, POR y RED cu acuerdo riba reparticion di cartera

ORANJESTAD - Partidonan MEP, POR y RED a yega na un acuerdo ariba e reparticion di carteranan den e proceso di formacion di un gobierno nobo pa e siguiente 4 añanan. Segun formador Wever falta pa finalisa e proceso di candidato pa minister. Formador lo ta informando S.E. Gobernador Boekhoudt di e ultimo fase aki di e formacion y asina, consecutivamente otro siman por informa comunidad di Aruba con e carteranan ta reparti. Ta premira cu pa otro siman gobierno nobo por keda instala. Asina formador Wever a informa un rato pasa.