Union Europeo lo impone sanccion contra gobierno Venezolano

Union Europeo lo impone sanccion contra gobierno Venezolano

Posted on 11/9/2017 11:19 am AST | Updated on 11/9/2017 8:36 pm AST

BRUSSEL/CARACAS (ANP/BLOOMBERG) – Union Europeo (UE) ta bay impone sanccion contra gobierno Venezolano. Segun fuentenan na UE, Europa kier eherce presion riba Maduro pa papia seriamente cu oposicion, libera presonan politico, permiti ayudo humanitario y tene eleccionan honesto pa mehora e prospecto. E ministernan encarga di e paisnan di UE lo bin hunto dialuna y vota pa e maneho di sanccion. Pa cuminsa, lo bin un embargo contra arma y posiblemente un embargo contra electronica, cu ta algo cu e regimen di Maduro ta uzando pa oprimi oposicion.

  • Caribbean Journal: Aruba den top 20 di islanan Caribense pa bishita

    Caribbean Journal: Aruba den top 20 di islanan Caribense pa bishita

    ORANJESTAD – Aruba a sali den top 20 di islanan di Caribe pa bishita y mas specifico, na number 3. E argumento ta e.o. cu Aruba ta pafo di e faha di horcan, ta yena cu solo y tin e beachnan mas bunita. Remarcable ta cu e biaha aki ta papia di cu e ta un isla moderno, y tin un sector di startup tecnico. Aruba # 3 di 20 Caribbean Journal. Aruba You’re outside the hurricane belt, overflowing with sunshine and some of the most beautiful beaches in the Caribbean. But Aruba is also a modern, energized place with great shopping, an increasingly robust arts scene and even a budding tech startup sector. It’s a bit like California in the Caribbean, with a Dutch twist.

  • Merca a revoca visa di hefe maximo di Citgo Petroleum

    Merca a revoca visa di hefe maximo di Citgo Petroleum

    HOUSTON (Reuters) - Gobierno Mericano a revoca e visa di e CEO y presidente di Citgo Petroleum Corp, esta Asdrubal Chavez, pero no a duna e motibo. Departamento di estado di Merca a sigura cu nan tin e autoridad di revoca visa, pero no ta discuti casonan individual pasobra ley no ta permiti esey.  Un vocero di Citgo a bisa cu e operacion diario ta sigui normal y cu e liderazgo no ta cambia. Chavez a haya 30 dia pa bandona Merca. Chavez a keda nombra hefe di Citgo door di presidente Venezolano Nicolas Maduro na 2017. Na mei, presidente Mericano Donald Trump a firma sancion economico contra Venezuela. Parti di e sancionan tabata pa perhudica Citgo. No ta conoci ki efecto e cambio aki lo tin pa Aruba, y e refineria pero den pasado caba cambionan internacional a mustra di no ta afecta e refineria pa motibo di e structura cu e compania ta aden. 

  • Teller Mericano di banco a bay Aruba despues di yuda cu atraco

    Teller Mericano di banco a bay Aruba despues di yuda cu atraco

    YONKERS, NY — Un ex teller Mericano di un banco na Merca cu a biaha pa Aruba cu un atracador di banco despues di a comete e atraco violento, a wordo haya culpabel dialuna di a participa den e robo. Geoffrey S. Berman, e fiscal pa districto di New York, a anuncia cu Virginia Blanco tabata culpable di tur tres acusacion contra dje, refiriendo na e atraco riba e filial di banco Wells Fargo na Yonkers in 2013. E veredicto a bin despues di 4 dia di a trata e caso dilanti un hurado y e huez Cathy Seibel. No ta prome biaha cu hendenan Mericano ta comete un crimen di un tipo y djey ta usa e placa pa bin Aruba y pasa vacacion. 

  • Pasaheronan riba buelo for di Aruba gara cu cocaina na aeropuerto Britanico

    Pasaheronan riba buelo for di Aruba gara cu cocaina na aeropuerto Britanico

    LONDON – Total di 15 kilo di cocaina a keda confisca di dos pasahero na aeropuerto di Gatwick na Inglatera, den un maleta y handbag di dos pasahero procedente di Aruba. Asina e portal SurreyLive ta raporta. E portal no ta bisa di cua buelo ni cua aerolinea e pasaheronan tabata procedente. A acusa nan di a importa droga clase A y a aparece den corte britanico caba. Ta trata di un homber Italiano David Fasano (31) di Londres y un dama Spaño Tania Cedino-Piguane. Ambos a presenta den corte dialuna dia 9 di juli. (A gara nan dia 6 di juli). Segun Tim Kingsberry, director di un departamento di grens politie Britanico, e droga riba caya tin un balor di 1,5 miyon dollar Mericano.

  • Tur 12 hoben Thailandes y nan entrenador rescata di cueba

    Tur 12 hoben Thailandes y nan entrenador rescata di cueba

    THAILAND - Tur e 12 hobennan Thailandes cu tabata den un cueba pega pa 2 siman, a keda rescata diamars merdia pa buceadornan profesional di marina Thailandes. Hunto cu nan entrenador di futbol, nan ta sano y salvo despues di un odisea di rescate cu a dura por lo menos 3 dia. E grupo aki a keda pega den e cueba for di 23 di juni, ora cu nan a bay sconde pa awacero torencial, y a keda pega sin por sali. A dura poco prome cu a localisa nan, y djey prepara tur cos pa cuminsa cu e trabou trabahoso di rescate. E prome 4 hobenan a keda rescata diadomingo y dialuna a sigui cu mayoria. A keda como 4 mas cu a keda rescata diamars. Mundo henter a sigui e odisea aki hopi di cerca y a keda hopi contento cu e logro aki. E ta posiblemente parecido na un situacion di minero na Chile algun aña patras. Ey tambe despues di hopi dia, e mineronan a a logra keda rescata.

  • Beryl a bira prome horcan pa temporada 2018

    Beryl a bira prome horcan pa temporada 2018

    MIAMI - Beryl a bira e prome horcan di e temporada di 2018, aunke cu ta pronostica cu e por debilita prome cu e subi tera den Caribe diadomingo. E horcan di categoria 1 diabierna mainta tabata 1.140 miya oost zuid oost di Caribe, particularmente e islanan Virgen Mericano te Grenada. E tabata moviendo direccion west cu velocidad di 14 miya pa ora y tabatin un forza di biento di 75 miya pa ora. Pa ora cu e yega Caribe, e por degenera den un tormenta atrobe. E ta pronostica pa subi tera laat diadomingo anochi of dialuna mainta y lo pasa mas sigur sur di Puerto Rico laat dialuna, segun National Hurricane Center. Segun servicio meteorologico di Aruba Beryl no tin ningun impacto riba e tempo di Aruba.

  • Powered by SETAR