Gana bo vakantie cu Malta Balashi

Gana bo vakantie cu Malta Balashi

Posted on 11/7/2017 10:32 am AST | Updated on 11/7/2017 10:33 am AST

(ADVERTORIAL)

ORANJESTAD - Brouwerij Nacional Balashi a anuncia recientemente su campaña di “Gana bo vakantie cu Malta Balashi”, unda cu lo regala 3 vakantiena un famia di maximo 4 persona.

E prome premio ta un crucero riba “Carnival Cruises”, e di dos premio ta un trip pa Disney World na Orlando y e di tres premio ta un trip di shopping na Miami.

Pa participa ta facil pasobra tin 3 stap cu mester sigui. E prome stap ta cumpra minimo 2 Malta Balashi, e di dos stap ta cu riba e recibo bo ta skirbi bo nomber y number di telefon y e ultimo stap ta cu bo ta pone bo recibo den un box di raffle na un supermercado.

Dia 24 di November Malta Balashi lo anuncia e ganadonan di e campaña aki. Cumpra bo Malta Balashi y participa pa un di e grandioso vakantienan.

  • ATA: Crecemento turistico pa Aruba no obstante reto den Caribe

    ATA: Crecemento turistico pa Aruba no obstante reto den Caribe

    ORANJESTAD – Turismo pa Aruba ta proyecta pa sigui crece no obstante retonan den Caribe. Asina un comunicado di e oficina di turismo di Aruba ta bisa. Segun e comunicado, midimento di calidad di bishitante ta un indicador y no ta e unico cu ta wordo aplica of midi. Ta premira continuacion di resultadonan turistico positivo pa 2018 cu un crecemento den cantidad di bishitante ‘stay-over’ pa Aruba. Tambe ta proyecta un temporada halto cu lo ta fuerte, despues di un bon temporada halto pa 2018. E aumento den cantidad lo bay man den man cu crecemento den entrada pa pais Aruba pa 2018. Esaki a crece cu 6.5% na 2018 (Tourism Receipts registra pa Banco Central Aruba). Mas cu claro factornan por cambia, incluyendo aspectonan den linea cu temporada di horcan 2018. Aparte di e incremento di cantidad di bishitante, A.T.A. a constata un crecemento positivo den calidad di bishitante ricibi y por a nota cu e calidad a subi mas fuerte cu e cantidad di turista, conforme e vision y maneho stipula. Pero esaki ta algo cu mester keda mantene y monitoria mirando cu otro paisnan den Caribe ta sigui introduci productonan nobo y na prijsnan atractivo. Esaki ta nifica cu e reto ta sigui y ta urgi pa keda inverti den Aruba su producto hotelero y turistico.

  • Aerolinea 'interCaribbean' ta cuminsa bula di Sto Domingo pa Aruba

    Aerolinea 'interCaribbean' ta cuminsa bula di Sto Domingo pa Aruba

    SANTO DOMINGO – E aerolinea basa na Turks and Caicos, inter Caribbean Airways ta introduci ruta nobo entre Santo Domingo y Aruba y entre Corsou y Kingston, Jamaica. E anuncio a bin di hefe grandi y fundador di interChairman Lyndon Gardiner. E destinacion nobo di Aruba y Corsou lo sirbi como rutanan nobo pa islanan Virgen Britanico cu coneccion di y pa Tortola via Santo Domingo. Buelonan di directo di Tortola, e di dos hub di interCaribbean, ta inclui servicio pa San Juan, Antigua, St Maarten, Santo Domingo, Saint Lucia y Providenciales cu coneccion pa Kingston y Nassau. Pronto lo anuncia e fecha cu e buelonan menciona lo cuminsa. E aerolinea ta conecta 22 destinacion y 14 pais den Caribe. Nan lo añadi un Embraer 145 jet cu ta un avion di 50 pasahero cu lo forma parti di e flota di Twin Otter y Embaer 120.

  • AVvB: E empresario tin e libertad pa dicidi con ta cobra BBO/BAZV/BAVP

    AVvB: E empresario tin e libertad pa dicidi con ta cobra BBO/BAZV/BAVP

    ORANJESTAD - A base di e ley actual, empresarionan tin e libertad pa dicidi con nan kier cobra e BBO/BAZV/BAVP y na cual tarifa nan kier cobra nan cliente. For di punto di bista di e cliente esaki por trece confusion, si cada empresario trata e BBO/BAZV/BAVP na un manera diferente. Ta keda e ora na cada cliente pa dicidi cerca ken e ta haci su compranan.

  • Oduber: Mester determina gastonan extra ainda pa solucion di huma di WEB

    Oduber: Mester determina gastonan extra ainda pa solucion di huma di WEB

    BALASHI – Despues cu WEB a scucha e kehonan di e.o. ASTEC y douane riba e tereno di waf di Barcadera pa cu e huma di WEB, y a papia cu esnan envolvi pa evalua diferente scenario pa alivia e situacion, director di e compania di utilidad Luis Oduber a bisa diaranson mainta cu tin varios solucion, basa riba termino cortico, termino medio y termino largo. Loke no sa ainda, ta cuanto esaki lo costa nan, esta WEB.

  • Ruiz: Problema di huma di WEB no ta nifica aumento prijs awa y coriente

    Ruiz: Problema di huma di WEB no ta nifica aumento prijs awa y coriente

    ORANJESTAD – E hecho cu WEB tin cu bay realoca fondo pa por remedia e problema di huma (cu ta afecta waf di Barcadera), no ta nifica cu esaki lo resulta den aumento di prijs di awa y coriente. Asina minister di Finanza Xiomara Ruiz Maduro a contesta NoticiaCla diaranson mainta durante un conferencia di prensa. E intencion ta pa e partidonan envolvi (WEB, ASTEC y ATIA) wak con ta yega na un solucion mutuo pa despues gobierno dicidi con pa reparti esaki di un forma mas husto. Posiblidad ta cu e gastonan por wordo asumi entre e tresnan menciona. Pero no ta asina cu ta bay ‘verreken’ e gastonan aki pa pueblo. Pues e informacion cu e gastonan aki extra pa WEB (of e grupo cu tin cu bay paga pe) ta bay nifica un aumento di tarifa di utilidad. A haci mencion di 7 cent di aumento, pero e mandatario a desbarata e idea ey. “Esey no ta berdad” Ruiz a sigura e portal.

  • Kvk contento cu kier uza tereno na waf pa vivienda pa local

    Kvk contento cu kier uza tereno na waf pa vivienda pa local

    ORANJESTAD – Camara di comercio ta sostene e idea di gobierno pa ofrece cierto tereno pa vivienda, cu no ta esun den centro di Aruba sino cu bista pa laman, of tambe traha casnan den forma vertical debi na limitacion di espacio. E ta papia di e tereno unda cu tabatin freezone riba waf. Pa loke ta e plan di vertikale woningbouw, esaki tambe ta zona posiiivo segun Randall Croes, miembro di Kvk. Segun Croes, E ta evita rosamento innecesario di tereno y scapa naturalesa. Particularmente Croes a duna un ‘aplauso’ na e cambio di idea di proyecto aki . Ademas e idea pa elimina burocracia pa bende tereno eigendom tambe ta zona positivo.

  • Powered by SETAR