DOW: Pakico cadushi enbes di mata di fruta riba Green Corridor

ORANJESTAD – E echo cu a dicidi di planta mata di cadushi memey caminda riba Green Coridor y no di fruta, tin su motibo. Asina lider di proyecto di DOW, Swinda Dijkhoff, a bisa recientemente. A bin critica cu a priminti mata di fruta, pero awor ta mira cu ta cadushi ta plantando. Pero ta resulta awor cu no ta permiti pa planta mata cu rais largo, debi cu e por crea problema cu e.o. coriente, pa straño cu e por zona. P'esey a deshaci di e idea pa planta mata di fruta riba Green Corridor, manera inicialmente informa.  

FRUTA

Segun Dijkhoff, si planta un mata di fruta band'i caminda of un cas, no ta problema. Pero no por pon'e memey di caminda. Y ta mustra cu tin dos problema pakico esey ta sosode. Tin e cablenan pisa di Elmar, cu ta core bou di tera, memey di caminda. “Elmar no ta permiti mi pa pone mata riba dje. Pasobra si e rais bay abou riba dje, y touch un cable, mitar di Aruba ta sin coriente” Dijkhoff a bisa. Tin cu evalua e ora si ta pone mata, cu consecuencia pa coriente, of ta pone e cosnan chikito di Aruba, manera cadushi.

E MATANAN

No por bisa ainda exactamente na unda lo pone tur di nan y cuanto lo pone, aunke ta pone cu mester pone por lo menos 4000, si dicidi mes pa pone nan. Loke si ta e caso ta, cu segun nos 'landsbesluit', tin cu pone mas hopi mata di Aruba.