A confisca curpa di victima di asesinato y e cas na de Vuyst

Posted on 11/4/2017 12:07 pm AST | Updated on 11/4/2017 2:22 pm AST

DE VUYST – Awe mainta tempran autoridad tabata na de Vuyst atrobe pa continua cu e investigacion di e caso di asesinato di e dama Sahari Sierra (19) na de Vuyst di ayera merdia . Ministerio publico ayera tardi laat a confisca e curpa y e cas, pendiente mas investigacion. E ta un proceso normal, den caso di un morto, cu no ta cla kico e causa ta. Unabez cu e causa ta determina, of cu ta conoci cu e causa di morto no ta uno criminal, ta laga e curpa den libertad. No ta conoci cuanto tempo e proceso aki lo dura.

SITUACION

Ayera tardi mientrastanto e situacion rond di e area di e suceso a bira tenso, ora cu esnan presente a mira un pickup double cabina pasa pazuid di e cas. Ey un grupo di persona a acerca e vehiculo y a cuminsa altera contra esun den e vehiculo. Mesora polis presente a nota cu no por a maneha e situacion nan so y a pidi pa refuerso. Den un rato di ora un cantidad di polis a yega, pa pone orden y a bay cu e persona den e vehiculo. A compronde cu autoridad tambe a confisca e vehiculo. No ta conoci si ta persona di ‘interes’ di polis, of si a hib'e pa otro motibo. Despues a bin trankilidad atrobe na e sitio. Anochi pa algo pasa di 7’or, a hiba e restonan mortal for di e sitio y riba orden di ministerio publico, a confisca e curpa pa investigacion. 

E CASO

E caso mes ta uno di hopi misterio, ya cu no por a compronde e motibo di e morto y mas ainda e forma cu a haya e dama den dje. Completamente sunu, na sanger y cu un saco mara cu waya. E tabata un bista horibel, segun esnan cu a mira esaki. E famianan mes ta ainda den shock y sigur e ruman muher chikito, cu a bin haya su ruman grandi den e situacion penoso ey. Pa loke ta e caso, a compronde cu e mainta ey, ainda el a hiba su yiu creche y lo mester tabata na cas. Den curso di dia e mama di Sahari tabata preocupa cu e no tabata haya contacto cu ne y eynan e cosnan a cuminsa cana. Dado momento e ruman chikito a yega cas y haya su ruman grandi den e situacion horibel riba e di dos piso di e cas.

Anochi e famia a bay un otro caminda pa pasa anochi, ya cu ta obvio cu na e cas ey, nan no por ta mas. Vocero di polis, Lito Lacle, ayera durante dia a splica cu tin un team di experto ta analisando e caso y tin como tarea pa descubri e forma con e dama a perde su bida exactamente, ken a hacie y loke ta mas importante, pakico esaki a sosode. Tur ta pregunta cu e famianan ta kibrando cabez cu ne, memey di nan tristesa y dolor inmenso. Tanto e mama como e pareha, fuera di e resto di famia tabata inconsolabel y no por caba di compronde ken(nan) por a haci un acto asina horibel y con nan bida lo continua sin nan ser keri, cu a keda ranca for di nan, di un dia pa otro.

SARAHI

Sarahi Sierra tabata un dama hoben (19), cu un criatura di 3 aña, cu e tabata adora. Mientras cu el a cuminsa scol bek recientemente, e tabata hopi activo den deporte, particularmente e deporte di volleyball y no mas cu awe mester a inicia un torneo di volleyball. Pero mirando e suceso, a dicidi di cancela e weganan di e torneo di e fin di siman aki. Notabel tabata e avalanche di mensahe di convivencia di parti di su amigonan personal y di e mundo di deporte, cu no por a kere loke a sosode cu nan amiga stima.

  • Boto cu 6 Venezolano gara purbando di drenta Aruba ilegalmente

    Boto cu 6 Venezolano gara purbando di drenta Aruba ilegalmente

    ORANJESTAD - E siman aki durante un accion teni conhunto cu kustwacht, douane, maritiem polis, kust surveillance i Marina real, a detene e boto ‘Yehovah Yereh’, procedente di Venezuela, cu 6 persona, tur masculino, riba dje cu a purba drenta nos isla ilegalmente. Asina Warda Costa di Caribe a informa diabierna. E accion mes a tuma lugar dialuna mainta ultimo den awanan pabou di Aruba. E kapitan a declara cu nan kier a bin Aruba pa un mihor bida. E boto a wordo tuma den beslag I e hendenan a wordo traspasa na autoridad concerni.

  • Chauffeur di auto envolvi den accidente tragico ta stabil

    Chauffeur di auto envolvi den accidente tragico ta stabil

    ORANJESTAD – E chauffeur di e auto nissan sentra cu tabata envolvi den e accidente tragico awe marduga, a sali di ICU (Intensive Care Unit) y ta den un camber na hospital stabil. Su situacion mas prome tabata mas critico cu ‘interne bloeding’. Asina vocero suplente di polis Liliana Rasmijn a confirma pa NoticiaCla. Informacionan no corecto for di tempran tabata raporta cu e lo a fayece, pero esaki no tabata corecto.

  • Dos morto den accidente di trafico na Shaba

    Dos morto den accidente di trafico na Shaba

    SHABA - Dos persona a perde nan bida diahuebs marduga den un accidente di trafico na Shaba na altura di un centro comercial. E impacto tabata entre un auto nissan centra sentra blauw y un motorcicleta blanco hayabusa. Un persona den e auto y e motorciclista a perde nan bida na e sitio. Dr Texeir a jega na e sitio di e susedido y a constata morto pa 4or di e victimanan. Ta trata di Wendell A.R. de LEEUW naci 25 december 1995 na Aruba y Dyllon A. LOURENS ( chauffeur di e brommer) naci 1 oktober 1995 na Aruba . E chauffeur di e nissan ambulance a bay cu ne cu urgencia pa hospital. Te awo su situacion ta critico. Palabra di condolencia na famia di e fayecidonan. 

  • A detene señora cu a menaza prome minister cu morto

    A detene señora cu a menaza prome minister cu morto

    ORANJESTAD – Recherche a detene e señora E.I.B (66) diamars anochi, sospecha di a menaza prome minister di Aruba cu morto recientemente. Asina vocero di polis Lito Lacle a confirma na NoticiaCla diaranson mainta. Tabata algun dia pasa cu durante un programa radial na Canal 90, e persona a yama y a haci e menasa. Gobierno (lesa: prome minister) a entrega keho contra esaki y e departamento di telecomunicacion a sanciona e radio pa 2 dia. NOTA. E potret no ta di e dama deteni sino un potret generico di un detencion. 

  • 19 detencion durante listramento preventivo

    19 detencion durante listramento preventivo

    ORANJESTAD: Recientemente Ministerio Publico a duna Cuerpo Policial Aruba e derecho pa por eherce e “listramento preventivo”. Esaki a tuma lugar diabierna 18:00 di atardi pa diasabra mainta 06:00. Polis tabata tin control estricto tanto pafo y paden durante e evento di Aruba Summer Music Festival y den districto di Noord.

  • Atraco arma na Washington Supermarket

    Atraco arma na Washington Supermarket

    ORANJESTAD - Awe diadomingo anochi pa 21:35 central di polis ta haya un yamada cu un rato prome un hende homber lo a comete un atraco na Washington Supermarket. Ta manda patruya di biaha na e sitio di e sucedido. Na yegada di e patruya ta bin compronde cu un hende homber cara tapa papiando papiamento a drenta cu machete y ta comete e atraco. E lo a bula over di e toonbank y a bai pa e baki na unda tin placa larga y ta calcula cu eyden lo ta tin total afl 300,-. A pone personal di atraco team na altura y tambe departamento di slachtofferhulp. Patruyanan riba caya a cuminsa busca den vecindario pa e sospechoso. Ken cu por a wak algo por yama tiplijn di polis cu ta 11141.

  • Powered by SETAR