Caso di asesinato na de Vuyst ta e di 3 pa 2017

DE VUYST - E dama cu a keda asesina awe merdia, a keda identifica como Sarahi Esther De Los Angeles Sierra, (19) (Aruba 10 september 1998). Manera raporta anteriormente, docter Giel a constata morto pa 2'or awe tardi. Tin indicacion cu polis ta riba pista caba di e caso. Informacion ta mustra cu e ruman muhe chikito ta esun cu a haya e curpa den e cas. Na e sitio ambulance a duna asistencia na e famianan, cu logicamente tabata hopi emocional pa perdida di nan ser keri. Esaki ta bira e di 3 caso di asesinato pa 2017 segun vocero policial Lito Lacle.