Jan Helmond ta bira representante interino di Reino pa e islanan BES

DEN HAAG - J.N. (Jan) Helmond ta bira e representante interino di Reino pa Bonaire, Sint Eustatius y Saba. Conseho di minister di Hulanda a propone pa e nombracion, riba proposicion di secretario di estado Knops. E nombracion ta drenta na vigor 8 di november 2017 y ta pa un periodo temporal. Actualmente no tin un persona ‘interino’ pa e actual representante di Reino, Gilbert Issabela. Door di nombra un persona interino, e ta cubri tambe e ‘buraco’ cu Isabella retira entrante 1 di januari proximo. Helmond actualmente ta director Rijksdienst Caribisch Nederland y lo keda cu e funcion ey tambe.