Polis a multa 19 automobilista pa a core cu celular den man

ORANJESTAD – Unidad motorisa di polis a duna 19 boet na e automobilistanan uzando celular tra'i stuur, mientras apenas ayera a cuminsa controla e automobilistanan. Esaki nan a haci na diferente sitio riba nos isla. Unit motorrijder ayera durante dia tabatin control na diferente sitio aki na Aruba. Den dia entre 10or di mainta pa 1or di merdia a duna 8 boet, pa e automobilistanan cu celular den man. Entre 5’or y mei pa 8’or di anochi, a parti por lo menos 11 boet, pues un total di  19 boet duna durante e prome controlnan. E control ta riba e articulo di ley di trafico specifico aki y lo continua henter e siman aki. Segun vocero di polis, Lito Lacle, ta notabel cu den dia e automobilistanan ta mas activo cu nan celular den man, compara cu atardi pa anochi. E potretnan ta cortesia di KPA.