Partidonan MEP, POR y RED a firma programa di gobernacion

ORANJESTAD – Rondona pa miembronan di partido, famianan y amigonan na pia di Hooiberg diaranson atardi laat, partidonan MEP, POR y RED a firma nan programa di gobernacion titular Hunto Pa Aruba, cu ta contene 10 capitulo reparti den 38 pagina, excluyendo e introduccion. Un punto cu a hala atencion ta e forma con ta bay atende cu posibel problemanan interno, siendo un gobierno di coalicion, cu ta evita cu un partido simplemente por ‘benta e gobierno abou’, si e no ta di acuerdo cu algo. Keda pendiente pa e puntonan specifico di e programa y e contenido integral.