OM: No ta persigui parlamentario Van Putten penalmente

OM: No ta persigui parlamentario Van Putten penalmente

Posted on 11/1/2017 2:00 pm AST | Updated on 11/1/2017 4:43 pm AST

ORANJESTAD - Ministerio Publico (OM) BES a dicidi cu no ta start un investigacion penal relaciona cu e declaracionnan di politico di Sint Eustatius, Clyde van Putten. E declaracionnan cu el a haci na Corsou dia 9 di october 2017. Fiskal Mayo di OM BES a dicidi esaki y a pone mientrastanto e denunciante na altura di e decision.

Maneho di Ministerio Publico ta den caso di e denuncianan politico pa mantene hopi reserva. No solamente pa motibo di hurisprudencia, pero tambe for di punto di bista di kico a bisa den arena politico, mester keda atende tambe den e arena politico. E punto di bista aki ta publica den un instruccion den cual ta trata netamente e tema di e denuncianan politico.

Ministerio Publico no ta mira motibo pa cambia maneho riba e tema aki. Ademas Van Putten mientrastanto a tuma distancia di su propio declaracionnan. E mes ta yama su declaracion repudiabel y ta admiti cu a saca su declaracionnan for di contexto.

Mirando e calificacion cu Van Putten mes a duna y e despensa cu el a pidi, ta nifica cu persecusion lo pone atencion innecesariamente riba e declaracionnan cu mientrastanto a pasa pa historia. E declaracionnan di Van Putten ya caba a keda ricibi di un forma adecua y pon'e di e forma aki den perspectiva. Ministerio Publico ta lamenta e declaracionnan di Van Putten. Un persecusion penal sinembargo no tin balor agrega.

Si e no ta di acuerdo cu decision di OM, por entrega un keho na Corte a base di articulo 15 di Codigo di Procedimento Penal.

  • Bonaire y Reino Hulandes a firma un acuerdo di maneho

    Bonaire y Reino Hulandes a firma un acuerdo di maneho

    KRALENDIJK – Gobierno di Bonaire y Reino Hulandes a firma un acuerdo di maneho diaranson atardi, valido pa un periodo di 4 aña cu ta termina 31 di December 2022. E ultimo dos firmanan tabata di Gezaghebber Edison Rijna  (Bonaire) y Secretario di Estado Hulandes Raymond Knops (Reino Hulandes). E intencion ta pa, hunto atende e prioridadnan pendiente cu ayudo di un team specifico, y asina sigura e progreso di e isla. Ta trata di puntonan grandi cu no a logra resolve durante e gobernacion actual. 

  • Princesa Beatrix ta bishita Bonaire fin di luna aki

    Princesa Beatrix ta bishita Bonaire fin di luna aki

    DEN HAAG - Su Altesa Real Princesa Beatrix ta bishita Bonaire di 28 di november pa 1 di december proximo. E ta bishita e isla riba invitacion di  Stichting Nationale Parken Bonaire (STINAPA Bonaire), un organisacion no gubernamental cu ta responsabel pa e parkenan nacional di Bonaire. Fuente RCN. 

  • Team di KIA Aruba a entrena cachonan pa listra placa pa Sint Maarten

    Team di KIA Aruba a entrena cachonan pa listra placa pa Sint Maarten

    ORANJESTAD/PHILLIPSBURG – Actualmente e cabesante di e Tean Special di Resfuerso di KIA y Brigada di Cacho(K9), sr.Dick van Leenen, ta na hermana isla Sint Maarten. E ta eynan den nomber di e Ministerio di Husticia di Aruba y riba invitacion di e Cuerpo Policial di Sint Maarten. N’e ocasion aki a invita tur conductor cu nan cacho di servicio pa evaluacion y consecuentemente certificacion pa un periodo di dos aña. E unidad di K9 na Sint Maarten ta traha hunto cu polis, aduana, y prison. Nan ta presta nan servicio riba un base amplio denter di e ramo hudicial, tanto n’e banda Hulandes como e banda Frances.

  • Campeon di Kick Boxing Panamericano, David Lee Winklaar a bolbe Bonaire awe

    Campeon di Kick Boxing Panamericano, David Lee Winklaar a bolbe Bonaire awe

    KRALENDIJK – E deportista Kick Boxing di Bonaire David Lee Winklaar a haya un ricibimento di heroe diamars atardi na aeropuerto di Bonaire. Esaki despues cu el a gana e titulo di Campeon Wako Pan American Championship na Mexico diasabra ultimo. Hasta su coleganan polis a bin yame bon bini. Su famia completo, lidera pa su mama, tabata ward’e na e aeropuerto, unda cu hopi mas hende a yega y tambe tabata sper’e. El a bira un ambiente total deportivo unda cu hopi boneriano a bin yama nan campeon bon bini. Un logro hopi grandi pa un isla asina chikito. Nota: Potretnan screenshot cortesia 99liveFM Bonaire. 

  • CFT: Saba tin stabilidad gubernamental y maneho financiero na ordo

    CFT: Saba tin stabilidad gubernamental y maneho financiero na ordo

    THE BOTTOM – Durante di su bishita riba 23 di òktober Cft a duna Saba compliment pa e hecho ku el a entrega su documentonan presupuestario na tempo y a continua cu su bon maneho financiero. Cu Colegio Ehekutivo y Conseho Insular a hiba combersacion riba e proyectonan di reconstrucion, cuenta anual di 2017, e concepto di presupuesto di 2019 y e maneho financiero. 

  • Aruba y Corsou tambe a firma pa haya fondo disponibel di Union Europeo

    Aruba y Corsou tambe a firma pa haya fondo disponibel di Union Europeo

    PHILLIPSBURG – Prome ministernan di Aruba y Corsou hunto cu 10 otro representante di islanan di Caribe a firma un convenio cu Union Europeo pa pone 40 miyon euro disponible pa energia, area marino y preparacion di desastre na St Maarten. Ademas nan tabata presente na e Caribbean OCT's Resilience Summit cu ta hiba e tema di “Unite Prepare Adapt.”, “Uni Prepara Adapta”. Esaki ta un conferencia den cual 12 pais den Caribe ta bin hunto pa trata e tema di resiliencia. Resiliencia ta e forsa cu un pais mester tin pa recupera despues di cualkier calamidad. Sea ta calamidad economico causa door di crisis economico mundial, of calamidad natural manera un horcan of teremoto of tambe un calamidad manera esun cu e crisis migratorio di Venezuela ta causando.

  • Powered by SETAR