MEP, POR y RED ta firma acuerdo riba programa di gobernacion awe tardi

ORANJESTAD - E partidonan MEP, POR y RED ta firma e acuerdo di programa di gobernacion diaranson atardi 5'or y mei na Hooiberg. Lider di partido MEP Evelyn Wever Croes a informa esaki awe mainta na salida for di su bishita na Gobernador Alfonso Boekhoudt. Fuera di esey a informa cu e proceso di reparticion di cartera tambe a cuminsa, aunke cu Wever no tabata cla pa duna e nombernan di esnan di partido MEP cu lo ta candidato pa e partido. Ta conoci caba cu e candidatonan pa partido POR ta Otmar Oduber y Andin Bikker, y esaki a keda participa pa e partido POR algun dia atras.